THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

NHIF yaibuka na ushindi Maonesho ya Sabasaba

Watoto wakifurahi baada ya wazazi wao kuwasajili katika mpango wa Toto Afya Kadi unaoendeshwa na Mfuko wa Taifa wa Bima ya Afya.

Na Grace Michael

MFUKO wa Taifa wa Bima ya Afya (NHIF) umekuwa mshindi wa tatu kupitia kundi la Mifuko ya Hifadhi ya Jamii ushindi uliotangazwa mbele ya Rais Dk. John Pombe Magufuli wakati wa uzinduzi wa maonesho ya 41 ya Sabasaba.

NHIF inayoendesha kampeni ya usajili wa watoto chini ya umri wa miaka 18 kupitia mpango wa Toto Afya Kadi kwa ajili ya kuwahakikishia watoto hao upatikanaji wa huduma za matibabu wakati wote.

Hata hivyo mpango wa Toto Afya Kadi umekuwa kivutio kikubwa katika Maonesho hayo ambapo wananchi wengi wanamiminika bandani hapo kwa lengo la kupata huduma kwa ajili ya watoto wao.

Wakizungumza bandani hapo wananchi, wamesema kampeni hii ni mkombozi mkubwa kwa familia ambazo zina watoto na hazikuwa na fursa ya kujiunga na huduma za NHIF hapo awali.

Wamesema utaratibu huu uendelee katika maeneo mengi zaidi ili watoto wote wa Tanzania wawe ndani ya Mfumo wa kupata huduma za matibabu kupitia Bima ya Afya.

Akizungumzia hilo, Kaimu Mkurugenzi wa Masoko na Utafiti Anjela Mziray, amesema kuwa NHIF imejipanga kuhakikisha inafika kila mahali kwa lengo la kuwahudumia Watanzania wote.

“NHIF tumejipanga na tunakwenda sambasamba na kasi ambayo Mkuu wetu wan chi Rais Dk. John Pombe Magufuli anaitaka hususan katika kuwahakikishia wananchi huduma za matibabu hivyo Watanzania wote tutawafikia katika maeneo yao,” alisema.

Mfuko wa Taifa wa Bima ya Afya una mtandao mpana wa vituo vya kutoa matibabu kwa lengo la kurahisisha upatikanaji wa huduma hizo kwa wanachama wake.
Watoto wakifurahi baada ya wazazi wao kuwasajili katika mpango wa Toto Afya Kadi unaoendeshwa na Mfuko wa Taifa wa Bima ya Afya.
Mmoja wa Wazazi akiwa na watoto wake ambao amewasajili katika mpango wa Toto Afya Kadi. Bofya hapa kuona picha zaidi