THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

TAJIRI ALIKO DANGOTE KUMTUMBUA KOCHA ARSENE WENGER ENDAPO ATAFANIKIWA KUINUNUA KLABU YA ARSENAL YA UINGEREZA


Na Sultani Kipingo, Globu ya Jamii

Mfanya biashara bilionea wa Nigeria Aliko Dangote amesema jambo la kwanza atalofanya endapo atafanikiwa kuinunua klabu ya Arsenal ya Uingereza ni kumtumbua kocha Arsene Wenger. 

 Toka mwezi Mei mwaka 2015 Dangote amekuwa akikaririwa mara kwa mara kuwa ana mipango ya kuinunua klabu hiyo inayoshiriki ligi kuu ya Uingereza ambayo mshika dau mkuu wake ni bilionea wa Kimarekani Stan Kroenke anayeshikilia hisa asilimia 67 za klabu hiyo. 

 January 18 mwaka huu alipoulizwa, bilionea huyo namba moja wa Afrika alinukuliwa na shirika la habari la CNBC akisema kwamba kwa sasa jicho lake kwanza liko kwenye kuifanya kampuni yake ya Dangote Group kuwa na kiasi cha dola bilioni 100 kabla ya kuinunua Arsenal. 

"Nitainunua (Arsenal) lakini kwanza nataka kuimarisha miradi yangu ambayo kwa sasa ni yenye thamani ya dola bilioni 18, ndipo nitaigeukia Arsenal” CNBC ilimkarriri Dangote wakati wa mkutano wa uchumi wa dunia huko Davos, Uswisi. 

 Dangote, ambaye ni shabiki wa Arsenal na sio tena wa kocha Wenger, ameteka tena vichwa vya habari karibuni kwa kusema jambo la kwanza atalofanya ni kubadili kocha. “Amefanya kazi nzuri, lakini mtu mwingine inabidi aje kujaribu bahati yake”, alisema alipohojiwa na Bloomberg. 

 Dangote amekuwa mkosoaji mkubwa wa Wenger, akimshauri kocha huyo Mfaransa ‘kubadili mfumo wake kidogo’ mnamo mwaka 2015. Lakini pamoja na kuonesha nia ya kuinunua Arsenal, bado hajaweka dau mezani. 

Yeye anasema atafanya hivyo mara tu ujenzi wa mradi wake mkubwa wa mitambo ya kuchakata mafuta wenye thamani ya dola bilioni 11 jijini Lagos utapokamilika. Kampuni yake ya Dangote Group ilianzishwa mwaka 1977 ikiwa kampuni ndogo ya biashara, lakini leo imekuwa kubwa na yenye matawi nchi kadhaa za Afrika zikiwemo Tanzania, Benin, Ghana, Nigeria na Togo. 

Hivi sasa pamoja na kuzalisha saruji kampuni hiyo inazalisha pia sukari na vyakula. Bilionea wa Kirusi Alisher Usmanov mwenye hisa asilimia 30 katika Arsenal aliweka dau la dola 2.6 billioni ili kuinunua Arsenal mapema mwaka 2017 lakini bilionea Kroenke mwenye hisa zaidi ya 67 aligoma.