THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

Ufunguzi Banda la Nafasi Art Space Chini ya Udhamini wa NMB

BENKI ya NMB Tanzania imedhamini ujenzi wa duka la Nafasi Art litakalotumiwa na watoto kujifunza mambo mbalimbali ambayo yanahusu sanaa ili kukuza vipaji walivyonavyo vya sanaa ili watakapokua waweze kuvitumia kutengeneza kipato. 
Akizungumza wakati wa hafla ya ufunguzi wa duka hilo, Mkurugenzi Mtendaji wa NMB, Ineke alisema udhamini huo ni sehemu ya malengo ya benki kuhakikisha inatenga pesa ambazo zitatumika kusaidia jamii.

 "Benki yetu imekuwa ikitumia kitengo cha CSR kusaidia jamii kwa kutenga pesa kila mwaka ambazo zinatumika kusaidia jamii, tunaamini kuwa ujenzi huu utasaidia kuinua vipaji vya watoto ambao wanapenda sanaa ili wainue vipaji vyao," alisema Ineke. 
Naye Mkurugenzi wa Nafasi Art Space, Rebecca Correy aliishukuru NMB kwa uufadhili ambao wamewapa na kuwa banda hilo litawasaidia watoto wanaopenda sanaa kuonyesha vipaji vyao kwani kwa kipindi kirefu watoto wamekuwa wakikosa nafasi ya kushiriki kufanya kazi mbalimbali za sanaa lakini kwa sasa wataweza kuonyesha vipaji vyao. 

Kwa upande wa mgeni rasmi kwenye halfa hiyo, Kaimu Mkurugenzi wa Idara ya Maendeleo ya Sanaa kutoka Wizara ya Habari, Utamaduni, Sanaa na Michezo, Joyce Hagu aliipongeza NAFASI Art Space kwa jitihada ambazo inazifanya za kukuza sanaa nchini na kuwa Serikali ya awamu ya tano itandelea kushirikiana nao.
Mkurugenzi Mtendaji wa NMB, Ineke Bussemaker, Kaimu Mkurugenzi wa Idara ya Maendeleo ya Sanaa kutoka Wizara ya Habari, Utamaduni, Sanaa na Michezo, Joyce Hagu, Mwenyekiti wa Bodi ya Nafasi Art Space, Davie Kitururu, Mkurugenzi wa Nafasi Art Space, Rebecca Correy na Balozi wa Denmark nchini, Einar Jensen wakifungua banda la NAFASI ya Watoto.
Mgeni rasmi kwenye hafla ya uzinduzi wa banda la NAFASI ya watoto, Kaimu Mkurugenzi wa Idara ya Maendeleo ya Sanaa kutoka Wizara ya Habari, Utamaduni, Sanaa na Michezo, Joyce Hagu akikata utepe kufungua duka la kuhifadhia kumbukumbu la NAFASI Art Space. Mkurugenzi Mtendaji wa NMB, Ineke Bussemaker akizungumza kuhusu udhamini wa NMB na jinsi ambavyo wamejipanga kutoa misaada kwa jamii zenye uhitaji.