THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

MANISPAA YA DODOMA YATEKELEZA AGIZO LA SERIKALI KUANGAMIZA MAZALIA YA MBU NCHINI

Na Ramadhani Juma, 
HALMASHAURI ya Manispaa ya Dodoma imeanza utekelezaji wa agizo la Serikali la kila Halmashauri nchini kuhakikisha inaangamiza vimelea vya mbu waenezao ugonjwa wa Malaria kwa kupulizia dawa katika maeneo yote ambayo ni rafiki kwa vimelea hivyo kukua.
Utekelezaji wa agizo hilo umeanza jana Jumanne Desemba 12, 2017 na litadumu kwa siku saba, ambapo watakaohusika na upuliziaji ni watumishi sita (6) kutoka Ngazi ya Halmashauri na Wanajamii sitini (60) wa kujitolea kutoka katika Kata 41 za Manispaa ya Dodoma.
Mganga Mkuu wa Halmashauri ya Manispaa ya Dodoma Hamad Nyembea amesema maeneo ambayo yatapuliziwa dawa kwa ajili ya kushambulia vimelea hivyo ni pamoja na maeneo ya Mabwawa yakiwemo mabwawa ya Maji Taka, madimbwi yanayotuamisha maji, makorongo, mifereji, na matenki yanayotumika kuhifadhia maji majumbani.
Zoezi hili ni shirikishi ambapo ngazi zote za uongozi katika Wilaya zitashiriki kwa namna moja au nyingine katika usimamizi, kuanzia Ofisi ya Mkuu wa Wilaya ya Dodoma, Madiwani, Menejimenti ya Halmashauri, Timu ya Uendeshaji wa Huduma za Afya ya Halmashauri, Viongozi wa Tarafa, Kata, Mitaa, Vijiji na Vitongoji.
Kwa Mujibu wa Daktari Nyembea, dawa inayopuliziwa ni mahususi kwa ajili ya kushambulia vimelea vya mazalia ya Mbu tu, na haina madhara yeyote kwa binadamu hivyo amewataka wakazi wa Manispaa kutokuwa na hofu yeyote kwani zoezi  hili ni muendelezo wa vita ya muda mrefu ya kutokomeza ugonjwa wa Malaria nchini.
Alitoa wito kwa Wananchi kuwa watulivu na kutoa ushirikiano utakaohitajika wakati wa zoezi la upuliziaji, ambapo wadau mbalimbali pia watashirikishwa ikiwemo Vyombo Vya Habari, Viongozi wa Dini, Watu maarufu, na Taasisi mbalimbali.
Kikosi kazi kinachofanya zoezi la kupulizia dawa ya kuua vimelea vya mazalia ya Mbu waenezao ugonjwa wa Malaria katika Halmashauri ya Manispaa ya Dodoma kikiendelea na kazi hiyo katika maeneo mbalimbali baada ya kuanza kwa zoezi hilo hilo jana. Picha kwa hisani ya Ofisi ya Mkurugenzi Manispaa ya Dodoma