THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

TAARIFA KWA WAFANYA BIASHARA WA BIDHAA ZA MAFUTA YA PETROLI NA UMMA KWA UJUMLA

image001

UTANGULIZI 
 Katika siku za hivi karibuni kumekuwepo uvunjaji sheria kwa baadhi ya kampuni au watu binafsi wasio na leseni za EWURA wanaonunua bidhaa za petroli (mafuta ya petroli, dizeli na taa) kutoka kwa kampuni za mafuta zinazoingiza na kuuza mafuta hayo kwa jumla (OMCs) na kuyauza mafuta hayo kwa wafanyabiashara wa rejareja wasio na leseni za EWURA. 
 EWURA inatoa onyo kali kwa wafanyabiashara wanaokiuka masharti ya biashara ya mafuta na kuwataka wafanyabiashara wote wa mafuta ya petroli nchini kuzingatia Sheria, Kanuni na masharti yaliyomo kwenye leseni zinazotolewa na EWURA. 

 UZINGATIAJI WA SHERIA WA 
BIASHARA YA BIDHAA ZA PETROLI 
 Kulingana na kifungu 131 cha Sheria ya Petroli Sura ya 392, hairuhusiwi mtu yeyote kufanya biashara ya mafuta ya petroli bila kuwa na leseni kutoka EWURA. Kanuni za biashara ya mafuta pamoja na masharti ya leseni za biashara ya mafuta kwa jumla zinazuia kuuza mafuta kwa kampuni nyingine au mtu yoyote isipokuwa kwa wafanyabiashara wenye leseni za kuendesha vituo vya mafuta na wale wenye leseni za kuhifadhi mafuta kwaajili ya matumizi binafsi. 

Kanuni za biashara ya mafuta pamoja na masharti ya leseni za kuendesha vituo vya mafuta zinazuia wafanyabiashara wa rejareja kununua mafuta kwa mtu yeyote yule isipokuwa kutoka kwa kampuni zenye leseni za kuagiza na kuuza mafuta kwa jumla (OMCs). EWURA pia imepewa jukumu la kusimamia/kuchochea ushindani katika sekta ya biashara ya mafuta hapa nchini. Wajibu huo umeainishwa katika Kifungu cha 30 (2) (k) (ix) cha Sheria ya Mafuta. 

ADHABU JUU YA UKIUKWAJI WA SHERIA 
 EWURA inafuatilia swala hili kwa karibu na inatoa onyo kali kwa wafanyabiashara wanaokiuka Sheria. 
EWURA itawatachukuliwa hatua kali kwa mujibu wa Sheria wale wote watakaobainika kuvunja Sheria. Kwa wale watakaotaka kupata ufafanuzi wowote juu ya Taarifa hii, wanaombwa kuwasiliana na ofisi za Makao Makuu ya EWURA, Dodoma au ofisi za EWURA za Kanda. 

 Imetolewa Na: MKURUGENZI MKUU 
 MAMLAKA YA UDHIBITI WA HUDUMA ZA NISHATI NA MAJI