Na Stella Kalinga, Simiyu
Naibu waziri ofisi ya Waziri Mkuu Kazi, Vijana na Ajira, Mhe. Anthony Mavunde ametoa wito kwa kwa Chama cha wanataaluma na wajasiliamali wa Kanisa la Wadventista Tanzania (ATAPE) kushiriki katika uchumi wa viwanda ili kuongeza nafasi za ajira kwa vijana na kupunguza umaskini.
Mavunde ameyasema hayo wakati akifungua mkutano wa 20 wa chama hicho ambao Kitaifa unafanyika mkoani Simiyu na kuhudhuriwa na zaidi ya wanachama 1500 kutoka maeneo yote nchini.
“ATAPE kupitia wataaluma na wajasiriamali mnayo nafasi kubwa ya kukusanya rasilimali na kuhakikisha mnafanya vitu vyenye mchango chanya kwa Taifa hususani katika kutengeneza ajira kwa vija na kupunguza umaskini”
“Angalieni fursa zinazowazunguka ili miaka 20 ya uwepo wa ATAPE iende sambamba na uwekezaji na mafanikio mtakayoyapata, nitoe wito msiwe nyuma kushiriki katika ujenzi wa uchumi wa viwanda, Simiyu wanajenga viwanda vikubwa Maswa cha chaki na vifungashio, watajenga kiwanda cha vifaa tiba amkeni changamkieni” alisema Mhe. Mavunde.
Hata hivyo ameongeza kuwa serikali inatambua mchango mkubwa walioutoa ATAPE kwa kuendelea kutengeneza nafasi za ajira kupitia uwekezaji walioufanya kwenye meaneo mbalimbali ikiwemo kilimo, misitu na utoaji wa elimu ya ujasiliamali bure hatua iliyopelekea idadi kubwa ya watanzania kujiajiri pasipo kusubiri kuajiriwa.
“ATAPE imethubutu nitoe wito kwa madhehebu mengine kuiga mfumo huu wa kuwaleta pamoja wanataaluma na wajasiriamali ili wawe chachu ya mabadiliko kiuchumi waweze kufanya vitu vyenye manufaa kwa waumini na jamii kwa ujumla, epukeni dhana potofu ya kusema hatutoweza mjiamini mtaweza tu”alisema Mavunde.
Awali akimkaribisha Naibu waziri, Mkuu wa Mkoa wa Simiyu Anthony Mtaka amesema kuwa kama mkoa uliona kila sababu ya kuzialika taasisi mbalimbali ikiwemo BRELA , Shirika la bima la Taifa , EFTA lengo likiwa kuwafikia wajasiliamali na kuongeza kuwa ni vema wana ATAPE wakajifunza kutenda badala ya kuzungumza
“Ifike mahali mtofautishe mahubiri na ujasiliamali ni lazima mkizungumza mjifunze kutenda ….hivi karibuni ujenzi wa chuo cha Usimamizi wa Fedha (IFM) utaanza, wanachuo 1000 wanatarajiwa kusoma hapo, nendeni pale mkajenge hosteli punguzeni porojo” alisema Mtaka.
Aidha, Mtaka ametoa wito kwa Wajasiriamali kusajili biashara zao ili ziweze kutambuliwa na wazikatie bima kwa ajili ya kuepuka hasara pindi biashara zao zinapokumbwa na majanga hususani majanga ya moto.
Mwenyekiti wa ATAPE Taifa, Bw. Freddie Manento amesema kuwa chama hicho kimefanikiwa kuwekeza zaidi ya shilingi bilioni moja kupitia miradi ya maendeleo waliyowekeza katika maeneo mbalimbali hapa nchini na kuongeza kuwa wamewekeza kwenye miradi ya kilimo afya, maji, ujasiliamali na elimu.
“Tuna mashamba zaidi ya ekari 10,000 ambayo tumelima korosho ,miti na mihogo ,tumewekeza mradi wa maji kigamboni jijini Dar es salaam hivyo tunavyoadhimisha miaka hii 20 ya ATAPE tuna kila sababu ya kujivunia maana miradi hii yote imetoa ajira nyingi kwa watanzania wenzetu zikiwemo za kudumu na za mkataba” alisema Maneto.
Kwa upande wake Askofu wa Kanisa la Waadventista Wasabato, Mark Malekana amewataka waumini wa kanisa hilo kufanya kazi kwa bidii ili kukwepa dhambi ya umaskini na kuwataka kuunga mkono juhudi za Serikali iliyopo madarakani katika kujiletea maendeleo.
Naye Irene Kweka ni miongoni mwa wajasiriamali walioshiriki mkutano huo amesema kuwa mkutano huo umemsaidia kuongeza wateja wapya kujifunza kupitia kubadilishana uzoefu sambamba na kuongeza kipato.
Baadhi ya Wanachama wa Chama cha Wanataaluma na Wajasiriamali wa Kanisa la Waadventista Wasabato Tanzania(ATAPE), wakiimba wimbo wa pamoja wakati wa ufunguzi wa Mkutano Mkuu wa 20 wa Chama hicho unaofanyika Mjini Bariadi Mkoani Simiyu.
Naibu Waziri wa Nchi, Ofisi ya Waziri Mkuu Kazi, Vijana na Ajira, Mhe. Anthony Mavunde (wa pili kulia) akifurahia jambo na viongozi wa Serikali na Kanisa la Waadventista Wasabato baada ya kufungua Mkutano Mkuu wa 20 wa Chama Wanataaluma na Wajasiriamali wa Kanisa la Waadventista Wasabato Tanzania(ATAPE) unaoendelea Mjini Bariadi, (wa pili kulia) Mkuu wa Mkoa wa Simiyu, Mhe.Anthony Mtaka.
Naibu Waziri wa Nchi, Ofisi ya Waziri Mkuu Kazi, Vijana na Ajira, Mhe. Anthony Mavunde(wa nne kushoto) akiwa na baadhi ya Kanisa la Waadventista Wasabato na viongozi wa Chama cha Wanataaluma na Wajasiriamali wa Kanisa hilo wakishuhudia onesho la Vijana watengeneza njia(Pathfinders) kabla ya kufungua Mkutano wa Chama cha Wanataaluma na Wajasiriamali wa Kanisa la Waadventista Wasabato Tanzania(ATAPE)Mjini Bariadi(wa tatu kushoto) Mkuu wa Mkoa wa Simiyu, Mhe. Anthony Mtaka.
Vijana watengeneza njia(Pathfinders) wakitoa heshima kwa Mgeni Rasmi Naibu Waziri wa Nchi, Ofisi ya Waziri Mkuu Kazi, Vijana na Ajira, Mhe. Anthony Mavunde(hayupo pichani) muda mfupi kabla ya kufungua Mkutano wa Chama cha Wanataaluma na Wajasiriamali wa Kanisa la Waadventista Wasabato Tanzania(ATAPE)Mjini Bariadi.
Naibu Waziri wa Nchi, Ofisi ya Waziri Mkuu Kazi, Vijana na Ajira, Mhe. Anthony Mavunde akiangalia baadhi ya bidhaa za wajasiriamali katika Viwanja vya Shule ya Sekondari ya Kusekwa Memorial, muda mfupi kabla ya kufungua Mkutano wa Chama cha Wanataaluma na Wajasiriamali wa Kanisa la Waadventista Wasabato Tanzania(ATAPE)Mjini Bariadi.
Mwenyekiti wa Chama cha Wanataaluma na Wajasiriamali wa Kanisa la Waadventista Wasabato Tanzania(ATAPE) Bw. Freddie Manento akitoa maelezo kwa Naibu Waziri wa Nchi, Ofisi ya Waziri Mkuu Kazi, Vijana na Ajira, Mhe. Anthony Mavunde(mwenye skafu) juu ya masuala mbalimbali yanayofanywa na chama hicho mara baada ya kutembelea banda lao, muda mfupi kabla ya kufungua Mkutano mkuu wa chama hicho unaoendelea mjini Bariadi.
Naibu Waziri wa Nchi, Ofisi ya Waziri Mkuu Kazi, Vijana na Ajira, Mhe. Anthony Mavunde akizungumza na Wanachama wa Chama cha Wanataaluma na Wajasiriamali wa Kanisa la Waadventista Wasabato Tanzania(ATAPE), wakati wa ufunguzi wa Mkutano Mkuu wa 20 wa Chama hicho unaofanyika Mjini Bariadi Mkoani Simiyu.
Sehemu ya Wanataaluma na Wajasiriamali Wasabato (ATAPE)
Naibu Waziri wa Nchi Ofisi ya Waziri Mkuu Kazi,Vijana na Ajira Mh Anthony Mavunde akiendelea kuhutubia kwenye maadhimisho ya miaka 20 na ufunguzi wa Mkutano mkubwa wa wana ATAPE katika ukumbi wa Shule ya Sekondari Kasekwa
Naibu Waziri wa Nchi Ofisi ya Waziri Mkuu Kazi,Vijana na Ajira Mh Anthony Mavunde akiwa na Mkuu wa Mkoa wa Simiyu Mh Anthony Mtaka kwenye maadhimisho ya miaka 20 na ufunguzi wa Mkutano mkubwa wa wana ATAPE katika ukumbi wa Shule ya Sekondari Kasekwa
Sehemu ya Wanataaluma na Wajasiriamali Wasabato (ATAPE) wakifuatilia hotuba za viongozi
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...