WAZIRI WA VIWANDA ZANZIBAR BALOZI AMINA SALUM AWAPONGEZA MAGUFULI NA SHEIN

Na Janeth Raphael, Globu ya jamii

WAZIRI wa viwanda na biashara wa Zanzibar Balozi Amina Salum amewapongeza Marais wa Tanzania upande wa bara Rais Dk John Magufuli na kwa upande wa Zanzibar Rais Dk Ali Mohammed Shein kwa jitihada walizochukua kukabiliana na janga linaliokumba Dunia kwa sasa #COVIDー19

Balozi Amina amesema kuwa Tanzania imekua nchi ya mfano kwa majirani zake na Ulaya kwa ujumla kwa namna ambavyo Marais hawa walijitoa mhanga kwa kukataa kufungia wananchi wake ndani na kutoa Uhuru wa kuendelea na shughuli za kila siku za kujipatia kipato na kutunza familia zao.

Balozi Amina ameyazungumza hayo leo Julai 13, 2020 wakati akifunga maonyesho ya 44 ya kimataifa ya biashara yaliyokua yanaendelea katika viwanja vya Mwalimu nyerere jijini Dar es salaam

Aidha Waziri Amina  amempongeza Rais Magufuli kwa kuwezesha nchi kuingia  katika uchumi wa Kati na kusema kuwa,

" Hakika ni hatua kubwa Sana Tanzania tumepiga na kutuwezesha kuingia katika nchi zinazoendelea, hakika tinajivunia hilo" Waziri Amina

Waziri Amina amewapongeza waandaaji wa maonyesho hayo (TANTRED) kwa kuwezesha maonyesho hayo kufanyika ingawa nchi bado imegubikwa na taharuki ya ugonjwa wa corona.