RC ARUSHA AAGIZA TRA NA TAKUKURU KUFUATILIA WOTE WANAOSTAHILI KULIPA KODI

Mkuu wa mkoa wa Arusha  Iddi Kiman'ta (wa pili kushoto) akiwa katika kikao cha kamati ya ushauri ya mkoa (RCC)wa kwanza kushoto katibu tawala wa Mkoa wa Arusha Richard Kwitega na wa kwanza kulia ni mkuu wa Wilaya ya Ngorongoro  Rashid Mfaume akifuatia na Mwenyekiti wa CCM mkoa wa Arusha Zelothe Steven.

 Na Woinde Shizza , Michuzi Tv -ARUSHA

Mkuu wa mkoa wa Arusha Iddy Hassan Kimanta ameiaigaza mamlaka ya mapatao  mkoani humo(TRA) kwa kushirikiana na Tasisi ya kuzuia na kupambana na Rushwa (TAKUKURU) kuwafuatilia watu wote wanaostahili kulipa kodi na kuhakikisha wanalipa.

Kimanta ametoa agizo hilo leo wakatiakifungua kikao cha kamati ya

ushauri ya mkoa (RCC) ambalo alisema kuwa ukusanyaji wa kodi ni lazima

upewe kipaumbele katikat mkoa huo ili maendeleo yaweze kupatikana

katika sekta zote.

Amesema kuwa wakikusanya kodi kwa wingi wanaijengea serikali uwezo wa

kutengeneza miundombinu ya vituo vya afya, barabara, maji shule na

mengineyo hivyo wale wote wanaostahili kulipa kodi ndani ya mkoa wa

Arusha walipe.

“Natoa maelekezo kwa meneja wa TRA mkoa wa Arusha ashirikiane na

Kamanda wa TAKUKURU mkoa kuwafuatilia wote wanaostahili kulipa kodi na

kuhakikisha wanalipa, tunataka kodi.”Amesema Kimanta.

Amefafanua kuwa hakuna haki bila wajibu hivyo ukusanyaji wa kodi ni

lazima, kwani ikilipwa wanaijengea serikali uwezo wa kutoa huduma

stahiki kwa wananchi.

Aidha kwa upande wa elimu amesema kuwa, Mkoa wa Arusha unaongoza kitaifa ambapo katika matokeo ya kidato cha nne na kidato cha pili imeongoza kitaifa  huku upande wa afya ukiwa ya pili kwa suala la lishe ikifuatiwa na kigoma.

Ameeleza mafanikio hayo yametokana na mshikamano mkubwa walionao

unaowafanya wafanikiwe na kuwasihi viongozi wa sekta

zote kuendeleza mshikamano huo kwa kuwa wamoja, kupendana  na kushirikiana katika kutatua changamoto.

Amesema katika wilaya zote sita Kuna upungufu wa madarasa  126 ambapo

amewashukuru wakuu wa wilaya na wakurugezi kwa kazi kubwa

wanayoendelea kuifanya kuhakikisha ya kujenga madarasa kwa

kushirikiana na wananchi na hadi kufika Februari 28 upungufu huo

utakuwa umeondoka.

“Lazima madarasa yajengwe na ni lazima kasi iongezeke ili pasiwepo na

wanafunzi watakaoshindwa kusoma Kutokana na ukosefu wa miundombinu ya madarasa.” Alisema Kimanta.

Amesema Mkoa wa Arusha mpaka sasa upo shwari na vyombo

vya usalama vinatekeleza wajibu wake kutatua changamoto ndogo ndogo

zinazojitokeza .