Katibu Tawala Mkoa wa Tabora Msalika Makungu akitoa maagizo jana wakati wa kikao cha Baraza Maalum la Madiwani wa Halmashauri ya Wilaya ya Uyui la kupitia Hoja za Mdhibiti na Mkaguzi Mkuu wa Hesabu za Serikali(CAG)

Na Tiganya Vicent
BARAZA la Madiwani la Halmashauri ya Wilaya ya Uyui limeagiza kuwachukulia hatua za kinidhamu Watumishi wote ambao wanaosihi nje ya vituo vyao vya kazi na kuendelea kuisababishia Serikali hasara na kuzorotesha utoaji wa huduma bora kwa wananchi.

Kauli hiyo imetolewa jana na Katibu Tawala Mkoa wa Tabora Msalika Makungu wakati wa kikao cha Baraza Maalum la Madiwani wa Halmashauri ya Wilaya ya Uyui la kupitia Hoja za Mdhibiti na Mkaguzi Mkuu wa Hesabu za Serikali.

Alisema tayari kuna orodha ya Watumishi ambao bado wanaishi Tabora mjini badala ya kukaa katika eneo la Isikizya ambayo ni ndio Makao Makuu ya Halmashauri ya Wilaya ya Uyui

Makungu alisema kuwa hivi sasa hakuna kisingizio kwa sababu upatikanaji wa huduma zote muhimu kama vile maji ya uhakika, umeme na afya zipo katika Makao Makuu ya Halmashauri hiyo.

Alisema kuendelea kwa Watumishi kuishi Tabora mjini huku wakifanyakazi Uyui ni dharau dhidi ya maagizo ya viongozi wa juu waliyoyatoa katika nyakati tofauti katika maeneo mbalimbali hapa nchini ya kuzitaka Halmashauri zote ambazo Ofisi zake ziko katika Halmashauri nyingine kuondoka na kwenda kwenye makao makuu yao na watumishi wake.


Makungu alisema kama Madiwani wakishindwa kuwachukulia hatua Ofisi ya Mkuu wa Mkoa inatarajia kuchukua hatua kali.


Aliongeza sanjari na Watendaji wa Makao Makuu ya Halmashauri ya Wilaya ya Uyui na watumishi kuanzia ngazi ya Kijiji hadi Wilaya wanatakiwa kuishi maeneo yao ya kazi.

Makungu alisema lengo la kuwataka Watumishi wote katika maeneo yao ni kuhakikisha wananchi hawapati usumbufu wakitaka huduma kutoka kwa watumishi kwa kisingizio ya kuishi mbali na Ofisi zao.

Kwa upande wa Mwenyekiti wa Halmashauri ya Wilaya ya Uyui Said Ntahondi alimtaka Mkurugenzi Mtendaji kuorodhesha majina ya watumishi wote ambao hadi hivi wanaishi nje ya Isikizya ili Baraza la Madiwani liweze kuwachukulia hatua za kinidhamu.

Michuzi Blog

Tanzanian blog operating since 2005, covering International news and Local News, including Politics, Fashion, Social Scenes, Interviews, Movies, Events, personalities and anything positive happening worldwide. Written in Swahili and English targeting both Swahili and English readers.

Toa Maoni Yako:

0 comments so far,add yours

Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...