Na Pamela Mollel,Arusha
Zaidi ya vijiji 12 wilayani Arumeru, mkoani Arusha vimeingizwa kwenye mchakato maalum wa uanzishwaji wa aina mpya ya utalii nchini.
Utalii huu mpya wa kijiolojia, maarufu kama Geopark, unahusisha Zaidi maeneo ya taswira ya nchi kama, milima, mapango, uoto wa asili na maporomoko ya maji, na kwa sasa ndio aina ya utalii unaopendwa sana na wakazi wa nchi za Asia hususan China, Japan na India.
Aina hii mpya ya Utalii wa Kijiolojia unatambulika na kuorodheshwa chini ya Shirika la Umoja wa Mataifa la Elimu, Sayansi na Utamaduni (UNESCO).
Vijiji vinavyojumuishwa katika uanzishwaji wa utalii wa Geopark, kuuzunguka mlima Meru, ni vile vinavyopakana na hifadhi ya Arusha.
Kamishna Msaidizi wa Uhifadhi wa shirika la hifadhi za taifa ambaye pia ni Mkuu wa Hifadhi ya Arusha, Albert Mziray anasema kuwa ndani ya vijiji husika kuna vivutio vingi ambavyo vinaweza kuingizwa katika mfumo huo mpya wa Geopark.
“Mfumo huu tunauita mfumo wa Asili wa Mlima Meru, au Mount Meru Natural System,” anaongeza Mziray.
Mziray aliongeza kuwa wanavijiji kupitia aina hii mpya ya Utalii wanaweza kunufaika kutokana na wageni watakaokuwa wanatembelea vivutio vilivyomo ndani ya maeneo yao.
Mkutano huo ulifanyika katika chuo kikuu cha Arusha huku zaidi ya wanavijiji 300 wanapewa elimu ya ufahamu kuhusu aina hiyo mpya ya utalii shirikishi.
Kamishna msaidizi wa uhifadhi, Mkuu wa kitengo cha sayansi ya uhifadhi na mahusiano ya jamii (TANAPA) Godwell Meing’ataki anaongeza kuwa sio kila mtalii hupendelea kuona wanyamapori, baadhi yao wangetaka kuona vivution vingine tofauti ambavyo tayari vinapatikana ndani ya maeneo ya vijiji husika.
Kamishna Msaidizi wa uhifadhi wa shirika la hifadhi za Taifa ambaye pia ni mkuu wa hifadhi ya Arusha,Albert Mziray akizungumza katika mkutano maalumu uanzishwaji wa aina mpya ya utalii Geopark katika chuo kikuu cha Arusha
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...