TAA: Kiwanja cha ndege Songwe kitovu kwa Nyanda za Juu Kusini

Meneja wa Kiwanja cha Ndege Songwe  wa Mamlaka ya Viwanja Vya Ndege (TAA) Mhandisi Danstan Komba akizungumza na waandishi habari kuhusiana fursa zilizopo kwenye kiwanja hicho kwenye maonesho ya Kilimo Kitaifa Nane Nane 2022 yaliyofanyika viwanja vya John Mwakangale jijini Mbeya.

Afisa Biashara na Masoko wa  Antony Kipopota  akiwahudumia wananchi waliotembelea banda hilo  hicho kwenye Maonesho ya Kilimo Kitaifa Nane Nane 2022 yaliyofanyika viwanja vya John Mwakangale jijini Mbeya. Kushoto ni Afisa uhusiano TAA, Mariam Lussewa.

Afisa Mipango na Takwimu Edward Kimaro akiwahudumia mwananchi aliyetembelea banda hilo  hicho kwenye Maonesho ya Kilimo Kitaifa Nane Nane 2022 yaliyofanyika viwanja vya John Mwakangale jijini Mbeya.

Na Chalila Kibuda, Michuzi TV

MAMLAKA ya Viwanja vya Ndege(TAA) imesema kuwa kiwanja cha ndege Songwe mkoani Songwe kuwa kitovu kwa Nyanda za Juu Kusini kwenye usafirishaji wa matunda na mboga mboga kwa kutumia usafiri wa ndege kwenda nje kwa ajili ya masoko.

Akizungumza na waandishi wa habari kwenye Maonesho ya Kilimo Kitaifa yanayoendelea viwanja vya John Mwakangale jijini Mbeya Meneja wa Kiwanja cha Ndege Songwe mkoani Songwe Mhandisi Dunstan Komba amesema serikali inatarajia kuleta ndege za mizigo ambapo itakuwa rahisi katika kuchochea kilimo cha matunda na mboga mboga kwenda katika masoko ya nje.

Komba amesema kuwa kiwanja cha ndege Songwe kina eneo kubwa ambapo watu wanaweza kuwekeza kwenye hoteli , Maghala yakuhifadhia Bidhaa za Mbogamboga na Matunda (Parachichi) pamoja kujenga majengo makubwa ya kutoa huduma mbalimbali (Mall)

Aidha amesema kuwa hadi sasa usafirishaji wa mizigo katika kiwanja hicho matunda na mboga mboga ni sehemu ya mizigo inayosafiri na ndege.