MKUU WA WILAYA SAME AIHIMIZA WANANCHI KUTUNZA VYANZO VYA MAJI,KUPANDA MITI

 Na Mwandishi Wetu,Same

MKUU wa Wilaya ya Same mkoani Kilimanjaro Kasilda Mgeni amewahimiza  wananchi kuhakikisha wanatunza vyanzo vya maji kwa kutunza mazingira na kupanda miti pembezoni mwa vyanzo vya maji 

Mgeni ametoa ushauri huo wakati wa  kilele  cha Wiki ya Maji kitaifa yaliyofanyika katika Kata ya Hedaru mbapo pia amepanda mti huku akihimiza kila kaya  kupanda mti kwenye maeneo ya nyumba zao,

Pia  amesisitiza wananchi kuepuka kulima ndani ya mita 60 kutoka kwenye chanzo cha maji. Aidha amewaelekeza wataalamu wa maji kuhakikisha wanatoa elimu kwa wananchi kuhusiana na suala zima la mita 60.

Aidha amewaomba wananchi wote kumuunga mkono Rais Dk.Samiha Suluhu Hassani kwa kazi kubwa anayoifanya kuleta maendeleo katika jamii.