hatimaye mtoto samuel nkya aenda kutbiwa nje

mtoto samuel nkya akiaga leo uwanja wa ndege wa julius nyerere kabla ya kupaa kuelekea mumbai, india kwa matibabu ya uso wake

mwenyekiti wa kamati ya kuchangia gharama za matibabu ya mtoto samuel akimsindikiza
emmanuel nkya, baba mzazi wa samuel, akiongea na waandishi juu ya safari hiyo ya mumbai
david sawe akiongea juu ya safari ya matibabu ya mtoto samuel nkya
mama mzazi wa samuel akiwashukurui wasamari wema waliojiyolea kwa hali na mali na kufanikisha safari ya matibabu ya mtoto wake huko india. jumla ya sh. 13,616,900/- zilipatikana kutokana na michango iliyoanzishwa na globu hii ya jamii na kufunguliwa akaunti maalumu na adu kadhaa. ni siku ya furaha sana kwa wadau wote kwani mwisho mwema unafurahisha ati

Mtoto Samuel ambaye amekuwa akipigiwa debe la matibabu kwenye uso wake na vyombo vya habari vya ektroniki na vya kawaida leo ameondoka kwenda India katika hatua nyingine ya uponyaji wa kidonda chake.

Debe hili lilianzia kwa mdau David Sawe ambaye aliunda kamati ya kuchangisha fedha za matibabu akishirikiana na wapiganaji Athumani Hamisi na Mkuu wa Wilaya ya nanihi na baba mzazi wa Samuel.

Hali kadhalika, mdau Jimmy Kihwele wa Wichita, Marekani, ambaye mara baada ya kuona tangazo la mtoto Samwel kwenye globu hii ya jamii, alianzisha blog maalumu na kuweza kufanya harambee huko aliko ambayo pia imechangia kujazia katika gharama za matibabu. Tovuti ya mdau Jimmy ni http://www.jifunze.com/FundRaising/

Akiwa uwanja wa Julius Nyerere mtoto huyo alitoa shukurani nyingi kwa watu waliokuwa wakimsaidia kufanikisha matibabu yake.

Pia baba wa mtoto huyo Emmanuel Nkya kwa niaba ya familia alizungumza machache kuhusu mtoto wao huyo na jinsi tatizo lilivyoanza hadi hapo na pia mama wa mtoto alizungumza; pia alishukuru blogu mbalimbali na vyombo vya habari vingine vya print na elektroniki vilivyofanikisha tiba za mtoto huyo.