iluminata james ndiye miss universe tz 2009

ukumbi mpya a mlimani city conference center kwa nje. hapa ndipo miss universe tz 2009 imefanyikia

iluminata james miss universe tz 2009
tano bora
iluminata james akiwa na majaji baada ya mchuano. toka shoto ni rosie motene mtangazaji wa tv ya channel 53 ya sauzi, masudi kipanya na mbunge wa viti maalumu mh. al sharyamaa kwegyabir.

wadau wa kenya airways na mrembo iluminata

meza ya mabosi wa sumsung tanzania, wafadhili wakuu wa miss universe tz

gwaride la warembo

kumi bora

mwandaaji maria sarungi-tsehai akielekeza jambo kwa majaji

maria akieleza jambo majaji. kulia ni mzee mzima john kitime ambaye naye alikuwa jaji. cheki alivyotoka pina!

msanii wahuu toka kenya akitumbuiza

ambwene yesaya a.k.a ay alikuwepo kuwapa watu raha

kikundi cha ngoma cha albino kilitia fora katika shoo hiyo

sindimba toka mang'aka lilimwaga na wasanii albino

sebene lilimwagwa na diamon musica

mwandaaji wa miss universe tz maria sarungi-tsehai akimzawadia tuzo mshindi wa miss universe tz 2009 iluminata james baada ya kuibuka kidedea usiku huu kwenye mchuano uliofanyika ukumbi mpya wa mlimani city conference centre hapa dar. iluminata ana umri wa miaka 23 na anatokea mwanza
miss universe tz 2009 iluminata james (kati) akipozi na mshindi wa pili evelyn almasi (kulia) na hidaya maeda ambaye ni mshindi wa tatu

iluminata akiwa na mshindi wa pili evelyn (kulia) na mshindi wa tatu hidaya baada ya matokeo

wadau wa precision air ambao ni moja ya wadhamini wakipozi na miss universe 2009 iluminata james baada ya kutangwanza matokeo usiku huu.

Habari Kamili

Mlimbwende Iluminata James kutoka mkoani Mwanza leo usiku ametwaa taji la Miss Universe Tanzania kwa mwaka 2009 na kujikatia tiketi ya kuliwakilisha taifa katika michuano ya dunia itakayofanyika baadaye mwaka huu katika visiwa vya Bahamas.

Iluminata ambaye anampokea taji hiyo mwanadada nyota katika fani ya mitindo nchini Miriam Odemba alifanikiwa kutwaa taji hilo baada ya kuwashinda walimbwende wenzake 19 ambao nao walikuwa wakichuana vikali kuwania taji hilo.

Shindano hilo lililofanyika katika ukumbi wa Mlimani city jijini Dar es Salaam , mbali ya mashabiki wa masuala ya ulimbwende kupata burudani ya kuonyeshwa mavazi na miondoko ya ‘catwalk’ kutoka kwa washiriki 20 pia walikongwa nyoyo zao na burudani safi ya muziki kutoka kwa msanii nyota wa Bongofleva , Ambwene Yesaya ‘Mzee wa Comercial’ , mwanadada Wahuu kutoka Kenya anayetamba na wimbo wa ‘Sweet love’.

K abla ya hapo bendi ya Diamond Musica chini ya Allaine Mulumba ilikuja na wimbo wao maarufu wa ‘Mapenzi kitu gani’ na kufuatiwa na sebene la uhakika na burudani hiyo ilihitimishwa na ngoma za utamaduni kutoka kikundi cha Albino Revolution Cultural Troope.

Mbali na Iluminata washindi wengine katika fainali hizo za Miss Universe Tanzania ambazo zilihusisha warembo kutoka mikoa mitano ya Tanzania , Arusha , Mwanza , Dodoma , Morogoro na Dar es Salaam walikuwa ni Evelyne Almasi ambaye alichukua nafasi ya pili na hivyo kujipatia nafasi ya kushiriki kwenye shindano la Miss Earth.

Mwanadada Hidaya Maeda ambaye alishinda nafasi ya tatu katika kinyang’anyiro hicho, yeye ataliwakilisha taifa katika shindano la Miss International baadaye mwaka huu, na nafasi ya nne ilikwenda kwenye Zeinab Kianda na Gisela Tarimo alinyakua nafasi ya tano.

Miss Universe Tanzania 2009 mbali ya kujipatia tiketi ya kushiriki kwenye shindano la dunia pia alizawadiwa Sh milioni tatu , nafasi ya kusoma kozi ya lugha ya kifaransa kwa mwaka mmoja katika kituo cha Alliance Francaise pamoja na kupatiwa vipodozi vyenye thamani ya Sh 500,000 na duka la Shear Illusion .

Majaji wa shindano hilo walikuwa ni pamoja na Mbunge wa Viti Maalum CCM, Al Sharyamaa Kwegyabir , mwanamuziki John Kitime,Masoud Kipanya , Mbunifu wa mavazi Ally Rhemtullah, Maria Sarungi Tsehai , Amit Patel kutoka kwa wadhamini wa shindano hilo kampuni ya Samsung ambao waliongozwa na jaji mkuu Rosie Motene kutoka Afrika Kusini ambaye ni Muigizaji nyota na Mtangazaji wa kituo cha Studio 53.