Kaka Michuzi pole kwa kazi!
Mimi ni kijana wa umri wa miaka 35,nna mpenzi wangu ambaye ameachika mara mbili,yaani ameshaolewa mara mbili na kuachwa.Hivi sasa nnae mimi natarajia pia kumuowa,mimi nnae mke,pindi nikibahatika kumuowa atakua mke wa pili au mke mdogo.Jambo linaloniumiza kichwa ni kwamba hajatulia,yaani ana wanaume wengine nje.
Mara ya mwanzo tulipokutana alinambia yeye ameachika na muda huu hana mwanaume yeyote,nilimuamini kwani ilikua naenda nyumbani kwani bila ya wasiwasi wala woga.Kwa muda wote huo sikuona ishara yoyote mbaya ilikua ananipa penzi motomto.
Baada ya kupita kama kipindi cha mwezi mmoja niliona mabadiliko,mpaka akanambia nikitaka kuonana na yeye nisifika nyumbani kwake kwani wako mama zake wadogo kwa hiyo ilikua tunakutana mbali kidogo na yeye,hata ile tabia ya kunipigia simu kila mara ilikatika kabisa na nikimpigia mimi ilikua hapokei au anakata kabisa inaweza hata zikapita siku mbili hatujawasiliana.
Pindi akiwa na safari zake ndo ananipigia nende nikampakie kwenye gari langu nimpeleke,nilijaribu kumdadisi kwa nini amebadilika,alinambia ameamua tu nanisiwe na shaka kwani yeye bado ananipenda kwa udhati wa moyo wake.
Hali ilizidi kunitia wasiwasi nikaamua kupeleleza ndipo nilipogundua kwamba kumbe kaja bwana wake ambae anaishi UK.Niliumia sana lakini ilibidi nivumilie nilijua iko siku ataondoka tu na nitamueleza duku duku langu.
Siku moja akaniaga kua anakwenda Kenya kwa ajili ya kuwasindikiza mama zake wadogo ambao wanatoka UK wamekuja Zanzibar kwa msiba,Nilimkubalia kwani huko nyuma aliniaga anakwenda Kenya kwa matibabu kumbe ilikua ndio amekwenda kumpokea huyo bwana wake wa UK na pesa ya nauli na matibabu nilimpatia.
Siku ilipofika aliondoka na kuwasindikiza wageni lakini nilijua kika kitu kwamba anamsindikiza huyo bwana wake,ruhusa nikatoa.Alikaa kwa kipindi cha wiki moja Kenya baadae akarejea Zanzibar nilikwenda kumpokea bandarini nikamrejesha nyumbani kwani,lakini kwa kipindi chote hicho hakufahamu kwamba mimi naelewa kila kitu kuhusu yeye..
Zikapita siku mbili ndipo nilipoamua kumueleza kila kitu mwanzo alikataa baadae akakiri kua ni kweli akaomba msamaha nikamsamehe kwa vile ilikua bado nampenda.Tuliendelea kuishi vizuri baada ya kupita mda kama wiki tatu akaniaga tena kua anakwenda tena Kenya kwa ajili ya kumtafutia mdogo wake chuo niliingiwa na wasiwasi kidogo ingawa nilimruhusu baadae nikagundua kua sio kweli.
Niliamua kufanya utafiti wangu tena baada ya kurejea Zanzibar ndipo nilipogungua kwamba ana mwanamme mwengine huko kenya ambae ni kigogo wa KRA.Kama kawaida yake alikataa.Siku moja niliamua kuchukua cm yake nikaona msg za mapenzi kutoka Kenya,moyo uliniuma sana kwa huna moyo huwezi hata kumaliza kusoma msg moja.
Nilimuonesha msg zake akanambia kua huyo jamaa yeye hana mahusiano nae kimapenzi ila amamdanganya tu kwa vile alimuahidi kumtafutia kazi,isitoshe huyo ni kaka wa shoga yake kwa hiyo na yeye ni kama kaka yake.
Na hivi sasa huyu kigogo wameagana anakuja Zanzibar karibuni ingawa yeye ananificha lakini nimeona msg kwenye cm yake ingawa yeye hajui kama mimi najua.Mpaka hivi sasa bado wanaendelea kutumiana msg za mapenzi na huyu bibie kila siku safari za Kenya hazimwishi.
Kaka michuzi naomba wadau wanishauri nifanyeje na mimi bado huyu dada nampenda.
Ahsante,
Mdau Zanzibar
Siku ya tarehe 25 mwezi wa 9 mwaka 2009, itabaki kuwa ya kihistoria kwa wadau lukuki waishio maeneo maarufu ya Barcelona yaliyopo mitaa ya Mabibo jijini Dar, kufuatia bonge la shoo baabu kubwa iliyofanywa na wasanii kibao underground wa fani mbalimbali kwa ushirikiano na Shirika lisilo la kiserikali linalojihusisha na shughuli za maendeleo ya wasanii chipukizi hapa nchini la Music Mayday Tanzania.
Unaweza kufeli kabisa kuelewa jinsi mashabiki walivyomiminika kushuhudia laiv mashairi,vina na umahiri wa kuigiza toka kwa wasanii kibao wakiongozwa na The motherland laivu bendi inayoundwa na damu chipukizi za akina Rogers Lukas, Malfred, Kala Jeremiah na wenzao. ‘Kwa watoto ilibidi kuweka ulinzi maalum’.
Shoo hiyo iliyoandaliwa na Music mayday Tanzania chini ya wawezeshaji MASHUJAA GROUP, ilikuwa ni maalum kwa ajili ya kuendesha tamasha la kupiga vita matumizi na ubwiaji wa madawa ya kulevya hasa kwa vijana ambao kwa hakika ndilo taifa la leo. Hapa ni katika vikao vya vijana kujadili athari za madawa ya kulevya
Kusema kweli motherland ni noma. Watu walitamani kukwaa jukwaani kuwadedesha akina kala, hawa jamaa ni mfuniko ile mbaya.
Hiki ndo kichwa cha Music Mayday ambacho ni Afisa wa miradi ya huduma kwa jamii, ambacho pia kilicheza big role katika kufanikisha tamasha hilo, anti Prisca. Anawashukuru wanajamii wote wa Barcelona kwa muitikio mkubwa walioonesha. Chini Kwa heshima na taadhima ilibidi watoto waachiwe jukwaa ili kuwapa shavu wasanii baada ya watoto hao kutaka kolabo na wasanii hao. Palikuwa hapatoshi. 
