Mzee wa Feva na Lift ya Bus lililojaa

Kufuatilia mtiririko wa ajari ikiwemo za barabarani na za majini na mwisho wa siku tunashindwa kutambua idadi kamili ya abiria waliosafiri na chombo husika, ni kaona niwakilishe kwa wadau wa globu ya jamii kisa hiki.

Nilikuwa nasafiri toka Morogoro kwenda Dar siku ya ijumaa tarehe 16 Sept 2011 kwa usafiri wa basi la Aboud, tulipopanda pale kituoni Msamvu tiketi zilikuwa zinagaiwa kama pipi, yaani unampatia pesa kondakta naye anakupa tiketi ambazo zimejazwa kila kitu kasoro jina la abiria ambalo halijazwi, hakuna cha manifest ya abiria wala nini, nilizua kaubishi kidogo mpaka wakaniandikia jina katika risiti yangu, lakini hawakuja popote. 

Kama hiyo haitoshi, bus liliongeza abiria wengine 6 ambao wengine walikaa na wengine kusimama, cha ajabu bus likapita mbele ya trafiki pasi na kuulizwa chochote. Tulipofika Mwidu ambapo basi la Glazia lilipopata ajari askali trafiki akasimamisha bus, cha ajabu bila kuhoji chochote nae akaomba lifti akawa miongoni mwa abiria waliosimama, kama picha inavyoonyesha. Yule askali trafiki alikuja shuka Kibaha na kutuacha tukiendelea na safari mpaka Dar.

Je kwa utaratibu huu tutafika ? ama ndiyo yale yale mazoea yetu, mpaka ikitokea ajari ndiyo tunaanza kufuata taratibu na sheria ?

Nawakilisha

Mdau mwenye uchungu na Nchi yake.