THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL MICROFINANCE BANK (NMB) | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | AIR UGANDA - THE WING OF EAST AFRICA | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.





Washitakiwa wa Kesi ya EPA wahukumiwa kifungo

Mahakama ya Hakimu Mkazi Kisutu imewahukumu kifungo cha miaka saba jela washitakiwa katika kesi ya wizi wa Sh bilioni 1.1 fedha za Epa.

Washitakiwa katika kesi hiyo ni Bahati Mahenge, Manase Mwakale, Davies Kamungu, Godfrey Mosha na Eda Mwakale. 

Washitakiwa waliotiwa hatiani na kuhukumiwa kifungo kati ya hao watano ni Bahati mahenge (kifungo cha miaka 7 jela), Manase Mwakale (miaka mitano jela) na mke wake eda Mwakale (miezi 18 jela) huku washitakiwa waliobaki kuachiwa huru.

Washitakiwa hao walikuwa wakikabiliwa na mashitaka tisa ambapo mashitaka saba walikutwa na hatia nayo na mashitaka mawili ambayo ni ya wizi na kujipatia ingizo kuondolewa na mahakama baada ya upande wa mashitaka kushindwa kuyafanyia marekebisho wakati wa ushahidi wao.

Haikuwa ni jambo la kupendeza, majonzi yalitanda mahakamani kwa ndugu na jamaa wa washitakiwa hao baada ya kuona wapendwa wao wameamuriwa kwenda kuanza kuishi maisha ya kifungoni, mbali nao.

Mashitaka yaliyokuwa yakiwakabili ni pamoja na kula njama, kutoa hati ya kiapo iliyoghushiwa, kusajili kampuni kutumia nyaraka feki, kughushi hati ya umiliki wa deni hilo, kughushi hati ya makubaliano, wizi na kujipatia ingizo.

Ilidaiwa kuwa kati ya mwaka 2004 na 2005, washtakiwa waliiba na kujipatia kwa njia ya udanganyifu fedha hizo kwa kutumia kampuni ya Changanyikeni Residential Complex Ltd ya Tanzania wakidai wanakusanya madeni ya kampuni ya Marubeni Corporation ya Japan.

Ilidaiwa kuwa washtakiwa kwa kutumia nyaraka za kughushi, walijipatia ingizo la hilo baada ya kudanganya kuwa Kampuni ya Changanyikeni Residential Complex Ltd imehamishiwa deni na Kampuni ya Marubeni Corporation.