WILAYA YA BABATI YAADHIMISHA SIKU YA SERIKALI ZA MITAA

Ofisa habari wa Halmashauri ya Mji wa Babati Mkoani Manyara, Grace Msovela na baadhi ya viongozi wengine wa halmashauri ya mji huo wakikagua vyeti kabla ya kuvikabidhi kwa washindi wa mabanda ya idara mbalimbali za mji huo kwenye hitimisho la wiki ya Serikali za Mitaa ambapo kauli mbiu yake ni Katiba mpya izingatie kuwa Serikali za Mitaa ni msingi wa maendeleo endelevu:Mwananchi shiriki uchaguzi wa Serikali za Mitaa.

Makamu Mwenyekiti wa Halmashauri ya Mji wa Babati Mkoani Manyara, Andrew Ombay (Baba Salawo) akizungumza jana kwenye kilele cha wiki ya Serikali za Mitaa, ambapo alisema utawala wa Serikali za Mitaa ulianza kabla ya ukoloni ambapo machifu walikuwa wanaongoza utawala huo.

Baadhi ya watumishi wa idara ya afya wa Halmashauri ya Mji wa Babati Mkoani Manyara, wakiwaonyesha wananchi waliotembelea banda lao, namna wanavyotoa huduma za afya kwa mama mjamzito, katika kilele cha wiki ya Serikali za Mitaa jana kwenye uwanja wa Kwaraa mjini Babati.

Kaimu Mkurugenzi wa mji wa Babati, Mathias Mugorozi akizungumza jana kwenye kilele cha wiki ya Serikali za mitaa, ambapo alisema mji huo unatarajiwa kujenga barabara za lami zenye urefu wa kilomita kumi ambapo mji huo utazidi kupendeza, katikati ni Makamu Mwenyekiti wa Halmshauri ya Wilaya hiyo, Andrwe Ombay na Ofisa Elimu Sekondari, Nivoneia Levery.