ZIFF YATANGAZA FILAMU ZITAZOSHINDANIA TUZO YA SEMBENE OUSMANE

Tamasha la ZIFF limetangaza filamu 16 zitakazoshindana katika kugombea tuzo ya Sembene Ousmane katika tamasha litakalofanyika baadaye mwaka huu. Filamu zinatoka katika nchi 11 ambazo ni pamoja na Marekani, Brazil, Senegal, Madagascar, Ghana, Cameroon, Morocco, Kenya, South Africa, Ethiopia and Tanzania.

“Shindano hili limetungwa ili kuboresha ufundi wa kutengeneza filamu fupi zinazobuniwa nna vijana wa Kiafrika”, alisema Fabrizio Colombo, Mkurugenzi Msaidizi wa ZIFF. “Filamu 16 zimo katika kinyang’anyiro hicho, na washindi watatu watapewa $2000 kila mmoja ili kuwasaidia kutengeneza filamu nyingine tayari kwa tamasha la ZIFF mwaka ujao” aliongezea.

Bernd Multhaup wa shirika la GIZ, wadhamini wa tuzo hii, alinakiliwa akisema, “Tuliamuwa kutoa zawadi tatu ili kuwapa motisha watengeneza filamu wengi zaidi kwa kupitia tuzo ya Sembene. Tunatambuwa kuwa filamu fupi zinauwezo mkubwa wa kuboresha ubunifu bila ya kupunguza ubora wa filamu”.

Hao washindi watatu watatakiwa kutuma hadithi zao pamoja na mpango-kazi wa utengenezaji wa hizo filamu kabla hawajapewa fedha walizoshinda ili kuhakikisha filamu zitatengenezwa kuwahi tamasha lijalo mwakani. Kwa njia hiyo ZIFF itahakikisha kupata filamu nyingine na kuboresha ufundi wa kutengeneza filamu fupi na bora.

Filamu 16 zilizochaguliwa ni:

Lesley: Victor Okoye Frank, USA / 15 min

O Canto da Iona: Thiago B. Mendonca, Brazil / 25 min

Maruna: Molly Kane, Senegal / 15 min

Aisaa’s Story: Iquo B Essien, USA / 15 min

Madama Esther: Luck Razanajaona, Madagascar / 15 min

The Traveller: Victoria Dogbe, Ghana / 9 min

Damaru: Agbor Obed, Cameroon / 24 min

Houkak: Younes Youfsi, Morocco / 17 min

Kwaku: Anthony Nti, Ghana / 16 min

Samaki Mchangani: Amil Shivji, Tanzania, 30min

Kilimo 2: Neema & Warren Reed, Tanzania / 6 min

Liberte Emprisonnee: Sara Mikayel, Senegal /16min 

Soko Sonko: Ekwa Msangi, Kenya / 22 min

Uthando: Tulanana Bohela, South Africa, 20min

Grandma Knows Best: Tamara Dawit, Ethiopia, 16min

Vitrin, Regis Talia, Cameroon, 15min

----------------------------------------------------------------------------------

Juu Ya Mradi: Mradi huu unadhaminiwa na GIZ, shirika la Ushirikiano wa Kimataifa la Ujerumani  ambalo linasaidia Tanzania na Jumuia ya Afrika Mashariki. ZIFF ni tamasha kubwa kuliko yote Afrika mashariki na ambalo linatambuliwa kimataifa. Tamasha linadhaminiwa na ZUKU kupitia mkataba wa udhamini wa miaka 10 utaoisha 2021.