TRENI YA ABIRIA YA LEO YAAHIRISHWA HADI KESHO SEPTEMBA 12, 2015 SAA 11 JIONI!

KAMPUNI YA RELI TANZANIA

TAARIFA  KWA VYOMBO VYA HABARI YA  KUAHIRISHA SAFARI YA TRENI KWENDA  BARA  LEO IJUMAA SEPTEMBA 11, 2015, HADI KESHO JUMAMOSI SEPTEMBA 12, 2015  SAA  11 JIONI!

  

Uongozi wa Kampuni ya Reli Tanzania – TRL unasikitika kuwataarifu  abiria wote na wananchi kwa jumla  kuwa kutokana na ajali ya treni ya mizigo iliyotokea kati ya Ngerengere na Kinonko jana mkoa wa  Morogoro , safari ya  treni ya abiria kwenda Bara  iliopangwa kuondoka  leo saa 11 jioni imeahirishwa hadi kesho Jumamosi Septemba 12, 2015  saa 11 jioni.

Mafundi wa TRL wako katika eneo  la ajali tokea jana wakifanya kazi kwa lengo la  kuhakikisha njia inafunguliwa kwa wakati ili huduma ya  treni za kampuni zirejeea kama kawaida mapema hapo kesho.

Uongozi wa TRL unawaomba radhi wale wote watakaopatwa na usumbufu wowote utakaojitokeza.

Atakaye soma taarifa  hii amwarifu na mwenziwe!

Imetolewa na Ofisi ya Uhusiano kwa niaba ya Kaimu Mkurugenzi Mtendaji Mhandisi Elias Mshana

TRL Makao Makuu,

Dar es Salaam.

Septemba 11, 2015