THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

UTASHI WA KISIASA UNAHITAJIKA KATIKA KUBORESHA HUDUMA KAMILI ZA DHARURA ZA UZAZI SALAMA (CENONC).

Na Avila Kakingo, Globu ya Jamii.
UTASHI wa Kisiasa unahitajika katika kuboresha Huduma kamili za dharura za uzazi salama (CEnoNC) katika vituo vya afya vilivyopo hapa nchini ili kuepukana na vifo vitokanavyo na uzazi kati ya mama na mtoto.

Hata hivyo utashi huo umeanza pale Naibu waziri wa Afya,maendeleo ya Jamii, Jinsia, Wazee na Watoto, Dkt. Hamis Kigwangwalla alipo waagiza Waganga wakuu wa mikoa na wilaya zote nchini  kuwa na vyumba vya upasuaji ‘theate’ zenye kufanya kazi ipasavyo kwenye vituo vyote vya afya kwenye maeneo yao ndani ya miezi 6.

Agizo hilo liliagizwa na Naibu waziri wa Afya, maendeleo ya Jamii,Jinsia, Wazee na Watoto, Dkt. Kigwangwalla alipotembelea kituo cha afya cha Mwandoya kilichopo Meatu mkoani Simiyu kilichopo umbali wa kilometa 60 kutoka hospitali ya wilaya ya meatu mwishoni mwa wiki mkoani humo likichukuliwa kisiasa litafanikiwa kwa haraka zaidi ili kuepukana na vifo vitokanavyo na uzazi katika hospitali zetu.

Vilevile Rais Dkt. Magufuli  alipowasili jijini Dar es Salaam akitokea Mkoani Mwanza alisema kuwa wanawake waendelee kuzaa tuu kwa kuwa elimu bure watasoma kwanzia darasa la kwanza mpaka kidato cha nne bure hivyo basi ili kuwa na kizazi chenye nguvu na chenye afya tuboreshe vituo vyote vya afya  ili kutokomeza vifo vitokanavyo na uzazi kwa watoto wachanga na akinamama wakati wa kujifungua.

Kuvuja Damu, Kifafa cha Mimba, maambukizi baada ya kujifungua, kutoka kwa mimba pamoja na uchungu pingamizi husababisha vifo vya akimama na watoto wachanga kufariki dunia.
Ikiwa vyanzo vyote hivyo vya vifo vya akinamama na watoto wachanga huzuilika kwa kuwa na Upatikanaji wa huduma kamili za uzazi Salama (CEmoNC).  


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...