THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

YANGA YAENDELEA KUHIFADHI VIPORO, MECHI YAO NA JKT RUVU YAPIGWA KALENDA

Na Zainab Nyamka,Globu ya Jamii.
BODI ya Ligi Kuu (TPLB) ya Shirikisho la Mpira wa Miguu Tanzania (TFF), imethibitisha kuwa mchezo wa Ligi Kuu ya Vodacom kati ya Young Africans ya Dar es Salaam na JKT Ruvu ya Pwani, uliopangwa kufanyika Jumatano Agosti 31 mwaka huu kwenye Uwanja wa Uhuru, Dar es Salaam imeahirishwa mpaka itakapopangiwa tarehe nyingine.

Mabadiliko hayo hayatavuruga ratiba ya mechi zinazofuata za Ligi Kuu ya Vodacom kwa timu husika.

Taarifa hiyo imekuja baada ya uongozi wa Yanga kutuma barua ya kuomba kusogezwa mbele kutokana na idadi kubwa ya wachezaji wake kujiunga na timu zao za taifa na tayari Yanga na JKT Ruvu wameshapatiwa barua za kujulishwa.

TFF imesogeza mbele mchezo huo, na utapangwa tena lini utachezwa, ligi itaendelea Septemba tatu mwaka huu kwa michezo minne kupigwa kwenye viwanja tofauti.

Mbao FC  wataikaribisha Mbeya City katika Uwanja wa CCM Kirumba, Kagera Sugar watakuwa kwenye uwanja wao wa nyumbani wa Kaitaba kuialika Mwadui FC, Majimaji FC watawakaribisha Mtibwa Sugar kwenye dimba la Majimaji Songea huku JKT Ruvu wakiumana na African Lyon katika uwanja wa Mlandizi.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...