THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

DKT MGWATU AWEKA MIKAKATI YA KUIMARISHA KARAKANA ZA TEMESA

Na Theresia Mwami TEMESA Arusha.

Mtendaji Mkuu wa Wakala wa Ufundi na Umeme TEMESA Dkt Mussa Mgwatu ameahidi kuziimarisha karakana zilizopo chini ya TEMESA ili kuimarisha utendaji kazi.

Mikakati hiyo imetolewa leo na Mtendaji huyo alipokutana na watumishi TEMESA wa mkoani Arusha alipotembela kituo hicho kuangalia utendaji kazi wa kituo hicho.“Naahidi kushirikiana nanyi katika kuijenga TEMESA Mpya na naomba ushirikiano wenu na muwe wafuatiliaji wa mambo kwani kazi zetu zinahitaji sana ufuatiliaji wa kina” Alisema Dkt Mgwatu.

Ameongeza kuwa amepanga mikakati namna ya kuyatambua madeni ya TEMESA pamoja na utunzaji wa taarifa zake, kufanikisha utendaji kazi wa baadhi ya karakana,kuwezesha urahisi wa mawasiliano kati ya TEMESA makao makuu na vituo mikoani.Amesisitiza kuwa watumishi wanapaswa kufanya kazi kwa bidii ili kuondoa dhana potofu iliyojengwa juu ya TEMESA kwa wateja wake kuwa wanafanya kazi kwa mazoea, wajiimarishe katika utendaji kazi kwa kasi, ubora, weledi uadilifu, ufuatiliaji, na uwajibikaji.

Katika hatua nyingine Dkt. Mgwatu ametembelea Chuo cha Ufundi Arusha ili kujionea shughuli mbalimbali za mafunzo yanayotolewa chuoni hapo na amefurahishwa na vifaa vya kisasa vya kutengenezea magari vinavyotumika katika karakana ya chuo hicho kwa ajili ya mafunzo kwa vitendo kwa wanafunzi wake.Kwa upande wake Mkuu wa Chuo hicho Dkt. Richard Masika alionesha nia ya kushirikiana kwa ukaribu na TEMESA ili kuweza kuboresha mafunzo ili kupata huduma zinazotolewa katika karakana za TEMESA.

Dkt. Mgwatu yuko katika ziara ya kikazi kutembelea vituo vya TEMESA Kanda ya Kaskazini ili kujionea changamoto na hali halisi ya utendaji kazi wa vituo hivyo.


Mtendaji Mkuu wa Wakala wa Ufundi na Umeme- TEMESA Dkt. Mussa Mgwatu (kulia) akiwaelekeza jambo watumishi wa TEMESA Arusha alipotembelea kituoni hapo kutoka kushoto waliosimama ni Meneja wa TEMESA Arusha Mhandisi Heriel Mteri, katikati ni Mhasibu wa TEMESA Arusha ndugu Simon Ringia na kulia ni Mhasibu Msaidizi wa TEMESA Arusha Bi. Rebecca Temba.
Mtendaji Mkuu wa Wakala wa Ufundi na Umeme TEMESA Dkt. Mussa Mgwatu (kulia) akitoa maelekezo kwa Mkuu wa Karakana ya Magari chuo cha Ufundi Arusha, Bw. Joseph Kotini wakati alipotembelea chuo hapo.
Mtendaji Mkuu wa TEMESA Dkt. Mussa Mgwatu(kulia) pamoja na Mkuu wa Karakana ya Magari chuo cha Ufundi Arusha Bw. Joseph Kotini wakiangalia shimo linatumika kukagua na kufanya matengenezo madogo ya magari chuoni hapo.
Mkuu wa Karakana ya Magari Chuo cha Ufundi Arusha Bw. Joseph Kotini (kushoto) akitoa maelezo kwa Mtendaji Mkuu wa TEMESA Dkt. Mussa Mgwatu juu ya mtambo unaotumika kufanya ukaguzi na matengenezo makubwa ya magari chuoni hapo.Picha zote na Theresia Mwami TEMESA Arusha.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...