THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

KATA 345 ZAFAIDIKA NA MRADI WA HUDUMA ZA MAWASILIANO KWA WOTE

Na Daudi Manongi, MAELEZO.

Katibu Mkuu Wizara ya Ujenzi,Uchukuzi na Mawasiliano Profesa Faustine Kamuzora amesema kuwa kata 345 zimefaidika na mradi wa kuboresha miundombinu ya mawasiliano nchini na Serikali mtandao kupitia mfuko wa mawasiliano kwa wote.

Profesa Kamuzora amesema hayo katika Warsha ya Habari na Mawasiliano iliyoandaliwa na Benki ya Dunia ikishirikiana na Wizara hiyo ikizungumzia mafanikio ya mradi wa kuboresha miundombinu ya Mawasiliano nchini na Serikali mtandao.

“Kupitia Serikali mtandao tunataka huduma za serikali ziwafikie wananchi kokote walipo na tunafahamu sasaivi wananchi wengi wana simu za mkononi na hivyo tunataka huduma kama za manunuzi kama tenda za Serikali na usajili wa vizazi na vifo kuanzia sasa zipatikane kwa njia ya mtandao ,huduma hii itaongeza uwazi,ufanisi na ubora wa huduma katika shughuli mbalimbali za Serikali.”Alisema Prof Kamuzora. 

Pia Profesa Kamuzora amesema kuwa Mradi huo ulilenga kufikisha mawasiliano vijijini na maeneo ambayo ni magumu kufikika na wafanyabiashara na ilipata mkopo wa masharti nafuu wa dola milioni 100 kutoka Benki ya Dunia ambao umesaidia kutoa ruzuku kwa makampuni mbalimbali ya simu ili yaweze kujenga minara kwenye maeneo ambayo hayana mvuto wa kibiashara na hivyo kufanikiwa kuwafikia wananchi zaidi ya milioni 2. 

Kwa upande wake Mwakilishi kutoka Benki ya Dunia anaeshughulikia masuala ya Habari na Mawasiliano Bi.Boutheina Guermazi amesema kuwa wataendelea kusaidia sekta ya mawasiliano nchini kwa kuwa ni muhimu katika maendeleo ya nchi yeyote na hivyo hawatasita kutoa misaada mbalimbali iwapo watahitajika kufanya hivyo.

Akizungumzia mafanikio ya mradi huo amesema kuwa kwa sasa kumekuwa na maboresho makubwa katika mawasiliano na upatikanaji wa vifurushi vya intaneti kwani sasa vimekuwa vya bei ya chini tofauti na mwanzo ambavyo vimesaidia upatikanaji wa mawasiliano katika maendeleo ya nchi.
Katibu Mkuu  Wizara ya Ujenzi,Uchukuzi na Mawasiliano Prof.Faustine Kamuzora akiwa na mwakilishi kutoka Benki ya Dunia anaeshughulikia masuala ya Habari na Mawasiliano Bi.Boutheina Guermazi wakati wa warsha ya Habari na Mawasiliano  ikizungumzia mafanikio ya mradi wa kuboresha miundombinu ya Mawasiliano nchini na Serikali mtandao.