THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

MSEMAJI WA SERIKALI: MUSWADA WA SHERIA ZA HABARI UTAIPA TASNIA HESHIMA

Na Jovina Bujulu-MAELEZO,Dar es Salaam


WANATASNIA ya habari nchini wametakiwa kuukubali muswada wa sheria wa huduma ya habari unaotarajia kuwasilishwa hivi karibuni Bungeni kwa kuwa umekusudia kuifanya taaluma hiyo kuaminika kwa jamii.

Hayo yamesemwa na Mkurugenzi wa Idara ya Habari Hassan Abbas Jijini Dar es salaam wakati wa ziara yake ya kutembelea vyombo vya habari vilivyopo Jijini humo.

Alisema kwa muda mrefu wadau wa Habari na wanatasnia wenyewe wamekuwa na kiu ya kupata sheria mpya baada ya ile ya mwaka 1976, ambayo imepitwa na wakati.

“Kutokana na teknolojia kubadilika, ni wakati mwafaka wa kuanzishwa kwa taasisi inayosimamia maadili ya wanahabari, hivyo vyombo vya Habari waliona ni muhimu kuwa na sheria mpya itakayokidhi mabadiliko hayo” alisema Abbas.

Aidha, alisema kuwa sheria hiyo itahusu vyombo vya habari vya mfumo wa machapisho, ambavyo ni pamoja na magazeti na majarida na si mitandao ya kijamii kama wadau wanatafsiri.

Aliongeza kuwa miongoni mwa masuala yanayozungumziwa katika muswada huo ni pamoja na kuundwa kwa bodi ya ithibati kwa wanahabari, Baraza huru la habari, Ofisi ya mkurugenzi wa habari, na Mfuko wa mafunzo kwa wanahabari.

Abbas aliongeza Serikali imewashirikisha wadau muhimu wakati wa mchakato wa kuandaa muswada huo ikiwemo Baraza la Habari Tanzania (MCT), Chama cha wamiliki wa vyombo vya habari (MOAT), Jukwaa la Wahariri Tanzania (TEF) na baadhi ya wadau wa haki za binadamu. 

Aidha alitoa wito kwa wadau wote kutoa maoni yao kwa lengo la kuboresha muswada huo sheria kupitia barua pepe ya ofisi ya Bunge can.bunge.go.tz ili kuyawasilisha mbele ya kamati ya kudumu ya bunge ya huduma za maendeleo ya jamii.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...