THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

WANAOMILIKI VIWANJA VYA JIJI KWA OFA WATAKIWA KUSALIMISHA NYARAKA HIZO NDANI YA MIEZI MITATU

Na Chalila Kibuda, Globu ya jamii 

SERIKALI imetoa miezi mitatu kwa watu wanaomiliki viwanja kwa ofa ya jiji ili kuweza kupata hati baada ya kubainika kuwepo kwa matapeli wa kugushi nyaraka za serikali kwa  viwanja hivyo.

Akizungumza na waandishi wa habari jijini Dar es Salaam, Waziri wa Ardhi, Nyumba na Maendeleo ya Makazi, William Lukuvi amesesema katika uhakiki huo wameweza kubaini  Raia mwenye asili ya Asia, Hamant Patel kumiliki ardhi kwa viwanja vitano katika mikoa mitatu.
Amesema kuwa waliopewa viwanja kwa ofa ya jiji, hati hizo zitatolewa na Kamishina wa ardhi na watakaobainika kugushi nyaraka hizo watafikishwa katika vyombo vya dola kutokana na kuibuka kwa migogoro katika viwanja hivyo.

Waziri, Lukuvi amesema kuwa watu wenye uraia wa nje na si watanzania hawana uwezo kupata ardhi nchini na wanachotakiwa kufanya ni kupitia Kituo cha Uwekezaji Nchini (TIC) ndio wanaweza kutoa ardhi.

Amesema kuna baadhi ya wawekezaji wamekuwa wakiwaweka watanzania katika hisa na baada ya kufanikisha jambo lao la kupata ardhi wanahisa watanzania wanajitoa. Aidha amesema kuwa kiwanja kilichokuwa kinamilikiwa na Waziri Mkuu Mstaafu, Fredrick Sumaye kilichokuwepo Mabwepande kimefutwa umiliki kutokana na kushindwa kuendelezwa kwa muda na baadae kuvamiwa na wananchi.

Amesema serikali haitaangalia mtu usoni kwa watu kumiliki ardhi bila kuendeleza kwa muda mrefu huku kukiwa na viwanja vingine kukosa mapato yake.