THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

BREAKING NYUZZZZZ......: VYAMA VITATU VYA SIASA VYAFUTIWA USAJILI WAKE LEO

Msajili vyama vya siasa nchini, Jaji Francis Mutungi leo ametangaza kuvifutia usajili vyama vitatu vya siasa hapa nchini kwa kutumia kifungu cha 19 cha sheria ya vyama vya siasa namba 5 ya mwaka 1992, ambavyo ni vitatu, 1. Chama cha haki na ustawi (CHAUSTA)  kinachoongozwa na  James Mapalala, 2. Chama cha The African Progressive Party of Tanzania (APPT_Maendeleo)  kinachoongozwa na Peter Kuga Mziray, 3. Chama cha Jahazi Asilia kilichokuwa kinaongozwa na  Kasimu Bakari Ally.

Mchakato wa kufuta usajili wa vyama hivyo unatokana na zoezi la uhakiki wa utekelezaji wa masharti ya usajili na matakwa mengine ya sheria ya vyama vya siasa vyenye usajili wa kudumu lililofanyika kuanzia juni 26 Mpaka julai 2016. 

Katika zoezi hilo, ilibainika kuwa vyama tajwa hapo juu vimepoteza sifa za usajili wa kudumu kwa kukiuka masharti ya sheria  ya vyama vya siasa na walipewa taarifa. Sababu za kufutwa vyama hivyo ni kutokuwa na ofisi ya Chama Tanzania bara na Zanzibar kwa mujibu wa kifungu cha 10 d.

kutokuwa na wanachama Zanzibar kifungu cha 10 b, kushindwa kuweka kumbukumbu za mapato na matumizi ya Chama  kifungu cha 14( 1) a,  kushindwa kuwasilisha hesabu zake za matumizi ya mwaka kwa Mthibiti na Mkaguzi Mkuu wa hesabu za Serikali kwa mujibu wa sheria kifungu 14(1)b(1) ,   kushindwa kuwasilisha tamko la orodha za Mali za Chama kwa msajili vyama vya siasa  na mwisho kushindwa kutekeleza matakwa ya kifungu cha 15 (1) kwamba mapato yote ya fedha ya Chama yawekwe katika akaunti ya Chama.