THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

MGANGA MKUU MKOA WA MWANZA AWATAHADHARISHA WANANCHI JUU YA MAGONJWA YASIYO YA KUAMBUKIZA

Na George Binagi-GB Pazzo

Mganga Mkuu wa mkoa wa Mwanza, Dkt.Leonald Subi, amewahimiza wananchi kuwa na desturi ya kupima afya zao mara kwa mara hususani kwa magonjwa yasiyo ya kuambukiza ili kuepukana na madhara yake ikiwemo vifo vinavyofikia asilimia 27 nchini.

Dkt Subi aliyasema hao wakati wa uzinduzi wa Kampeni ya bure ya uchunguzi wa saratani ya matiti na mlango wa kizazi mkoani Mwanza, inayofanyika kwa siku mbili kuanzia jana katika Uwanja wa Furahisha, Vituo vya afya Igoma, Karumbe na Makongoro.

Aidha Dkt.Subi aliwahimiza wanajamii kubadili mfumo wa maisha kwa kuzingatia kanuni za afya ili kuepukana na madhara yatokanayo na magonjwa yasiyo ya kuambukiza ambayo ni pamona na kansa, presha pamoja na kisukari.

“Magonjwa haya yanatokana na namna ya maisha tunavyoishi ikiwemo kutokufanya mazoezi, ulaji wa chakula usiozingazi kanuni, ulevi, uvutaji wa sigara, kuwa na wapenzi wengi na kutokuzingatia kanuni za afya kwa ujumla”. Alisema Dkt.Subi.

Kampeni ya uchunguzi wa saratani ya matiti na mlango wa kizazi inaratibiwa na Chama cha Madaktari Wanawake nchini MEWATA katika mikoa ya Mwanza, Iringa na Mbeya kwa lengo la kuhamasisha wananchi kupata huduma mapema kwani magonjwa yasiyo ya kuambukiza ikiwemo saratani hutibika ikiwa mgonjwa ataanza matibabu mapema.
Dkt.Leonald Subi


Tazama HAPA Picha za Uzinduzi