THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

Muhimbili Yapokea Msaada wa Viti 10 vya Kubeba Wagonjwa Leo

Kaimu Mkuu wa Idara ya Physiotherapy katika Hospitali ya Taifa Muhimbili (MNH), Christina Mgaya amemshukuru raia wa Oman, Nasr Al Jahadmy kwa kutoa msaada wa viti vya magurudumu matatu kwa ajili ya kubeba wagonjwa wakiwamo walemavu na waliopata kiarusi.

Mgaya amemuomba raia huyo kuendelea kuisaidia hospitali hiyo kwani kuna upungufu wa viti vya kubeba wagonjwa wakiwamo walemavu na waliopata kiarusi.

Msaada huo umetolewa leo na raia wa Oman, Nasr chini ya Taasisi ya Isqama iliyopo nchini Oman.

Msaada huo umetolewa kwa ajili ya kuwasaidia wagonjwa mbalimbali wanaopata matibabu katika hospitali hiyo.

“Lengo ni kuwasaidia wagonjwa na pia tunatarajia kuleta misaada zaidi baadaye,” amesema Nasr.

Raia huyo ametoa msaada, huku Oman ikisheherekea sherehe ya kitaifa ya miaka 46 ya mfalme wa nchi hiyo, Qabous bin Said. Idara ya Physiotherapy inatoa huduma ya mazoezi ya viungo na mazoezi ya viungo kwa vitendo.
Kaimu Mkuu wa Idara ya Physiotherapy katika Hospitali ya Taifa Muhimbili (MNH), Christina Mgaya (kushoto) akipokea msaada wa viti 10 vya magurudumu matatu kutoka kwa raia wa Oman, Nasr Al Jahadmy ambaye ametoa msaada kwa ajili ya kubeba wagonjwa waliopata kiarusi na walemavu. Katikati ni Mjumbe wa Baraza la Ulama BAKWATA, Sheikh Ally Khamisi na wengine ni wafanyakazi wa idara hiyo.
Mmoja wa kina mama waliofika Muhimbili Leo kupatiwa matibabu akiomba msaada wa kiti kutoka kwa Nasr Al Jahadmy kwa ajili ya kumbeba mtoto wake. Nasri ameahidi kumsadia mtoto huyo.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...