THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

NMB YATOA MSAADA WA MADAWATI 3500

BENKI ya NMB imetoa msaada wa madawati 3500 kwa serikali yenye thamani ya sh. Bilioni 1.5 ya madawati yote ambayo walikuwa wameahidi kutoa tangu 2014 ikiwa ni jitihada ya kuboresha mazingira ya kusomea kwa wanafunzi.

Akizungumza na waandishi wa habari baada ya kukabidhiwa madawati, Waziri wa nchi Ofisi ya Rais -Tamisemi, George Simbachawene amesema benki ya NMB imekuwa mstari wa mbele kusaidia katika elimu.

Simbachawene amesema kuwa madawati hayo yatapelekwa katika mikoa ambayo haijaweza kumaliza tatizo la madawati ya kwa baadhi ya shule.

Amesema kuwa kuna baadhi ya mikoa imemaliza tatizo la madawati hivyo kutokana na msaada huo utasaidia sehemu kubwa kumaliza tatizo la madawati.

Madawati hayo yatakwenda katika shule za msingi na sekondari 71 kwa kila shule kupata madawati 50.

“Nashukuru kwa msaada huu katika mapambano ya upungufu wa madawati nchini,  baada ya Rais Dk. John Pombe Magufuli kuagiza ya kuwa hakuna mwanafunzi kukaa  chini tumefanikiwa na kubakiza wilaya chache ambapo madawati haya yatakwenda” amesema Simbachawene.
Waziri wa nchi Ofisi ya Rais -Tamisemi, George Simbachawene akizungumza na waandishi wa habari wakati wa kupokea madawati kutoka NMB leo jijini Dar es Salaam. kulia ni Mkurugenzi Mtendaji wa NMB, Ineke Bussemaker.
Mkurugenzi Mtendaji wa NMB, Ineke Bussemaker akizungumza na waandishi wa habari wakati wa hafla ya kukabidhi madawati kwa Waziri wa nchi Ofisi ya Rais -Tamisemi, George Simbachawene leo jijini Dar es Salaam.
Waziri wa nchi Ofisi ya Rais -Tamisemi, George Simbachawene akipokea msaada wa madawati kutoka kwa Mkurugenzi Mtendaji wa NMB, Ineke Bussemaker.
Waziri wa nchi Ofisi ya Rais -Tamisemi, George Simbachawene akikagua madawati aliyokabidhiwa leo jijini Dar es Salaam. Picha na Emmanuel Massaka, Globu ya Jamii.