THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

TRA Kutoa Elimu ya Kodi na Uwekezaji kwa Wafanyabiashara 200 wa Kichina.


Na Amina Kibwana,Globu ya Jamii
  Mamlaka ya mapato Tanzania (TRA) kwa kushirikiana na Ubalozi wa china  hapa nchini ,imeandaa semina  kwa ajili ya jumuiya ya wafanyabiashara wa China kwa lengo la kuwaelimisha juu ya masuala mbalimbali ya ulipaji kodi.
  Semina hiyo inayotarajiwa kufanyika Novemba 25  katika ukumbi wa Benki kuu ya Tanzania (BoT), inatarajiwa kufunguliwa na Waziri wa Biashara na viwanda Mh. Charles Mwijage pamojana na Balozi wa China hapa nchini.
 
  Akizungumza na waandishi wa habari Mkurugenzi wa huduma na elimu kwa walipakodi wa TRA, Richard Kayombo amesema, semina hiyo itawawezesha  wafanyabiashara wa china kutimiza na kuzingatia sheria za kutoza kodi sahihi na kukokotoa kodi ya Zuio katika bidhaa na huduma na hivyo kuongeza ulipaji kodi kwa hiari miongoni mwao.
  Kayombo amesema, katika semina hiyo mada mbalimbali zitawakilishwa zikiwa ni pamoja na Mabadiliko ya Bajeti ya 2016/17,Masuala ya Forodha na uondoshaji wa bidhaa, Kodi ya Zuio hususan katika sekta ya ujenzi na kodi ya Ajira, ambapo pia wafanyabiashara watapata fursa ya kuuliza maswali ili kuwawezesha kufanya shughuli zao kwa mujibu wa sheria na taratibu za nchi.
 
  Kwa upande wake Mratibu  wa wafanyabiashara wa China, Andrew Huang amesema, Semina hiyo itawasaidia katika kuendelea kutekeleza wajibu wao na kuhakikisha wanalipa kodi inayostahili kutokana na shughuli zao wanazozifanya hapa nchini.
  "Tunashukuru sana TRA kwa kushirikiana nasi katika kutoaji wa elimu hii kwetu, kwani kwa kufanya hivyo ni dhahiri kwamba wanatukumbuka na kutujali nasi tutaonyesha ushirikiano kwa kuendelea kulipa kodi inayostahili."
  Ikiwa ni semina ya 15 tangu kuanza kwa semina kati ya mamlaka ya Mapato Tanzania na Ubalozi wa china,TRA imekuwa ikiendesha semina mbalimbali kwa wachina kuhusu masuala ya kodi kwa maombi au kutokana na mipango ya TRA kuelimisha makundi mbalimbali ya walipa kodi ili kuongeza uelewa wa Masuala ya Kodi hapa nchini.
Mkurugenzi wa Huduma na Elimu kwa Mlipa Kodi kutoka TRA Richard Kayombo akizungumza na waandishi wa habari kuhusu semina kwa jumuiya ya wafanyabiashara wa china itakayofanyika tarehe 25 Novemba 2016, leo jijini Dar es Salaam.Katikati ni Mkurugenzi Mtendaji wa Kampuni ya Jiteng Consultancy Limited Bw. Andrew Huong na Meneja Msaidizi wa Kampuni hiyo Bw. Wesley Huung (kushoto). Picha na Frank Shija – MAELEZO.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...