Ngoma africa kumrudisha Tabia Mwanjelwa jukwaani

tabia mwanjelwa akiendeleza libeneke huko ujerumani. chini ni tabia alivyo leo
Nani anayewezeza kubisha kuwa Mwanadada Tabia Mwanjelwa kuwa ni mwenye sauti hinayoweza kumtoa nyoka pangoni?

Tabia Mwanjelwa ni lulu ya watanzania iliyopotea kwa miaka mingi bila kusikika na kuwaacha washabiki wakiwa wanajiuliza yupo wapi?

Tabia mwanjelwa! wengine walifika hata kuvumisha na kuzua uzushi labda Tabia hatunayetena! Lakini majibu yanapatikana leo labda Tabia mwenyewe alishaimba kuwa: Maisha ni safari ndefu!!! Mwisho wa Maisha ni kifo!!!

Kwa bahati njema leo juhudi zimefanyika na bendi ya The Ngoma Africa inayoongozwa namwanamziki maarufu Ebrahim Makunja kuwa Lulu hiyo ya watanzania (Tabia Mwanjelwa)imeonekana !

kama kawaida ya watoto wetu wa uswahilini wanapookota kitu uimba Po! Changu! Po! Cha kuokota si cha kwiba!Cha Mchongoma Kina Mwiba!Lakini Lulu hiyo waliyoigundua Ngoma Africa wanairudisha mikononi mwa watanzania! wenyewe mpokeeni Tabia Mwanjelwa anarudi tena uwanjani kwa Kasi mpya! Nguvu Mpya!na miondoko mpya! kaeni mkao wa kula!

Tabia Mwanjelwa kwa sasa anaishi Ujerumani, mzima wa afya na sasa yupo studio kuwaletea nyimbo mpya ambazo kwa kiasi kikubwa zimesha kamilika.

The Ngoma Africa band wanampa shavu dada yao huyo kuhakikisha katika kila hali anarudi tena kwa kasi mpya.Tabia Mwanjelwa bado ana sauti yake utafikili kazaliwa leo! Mwanadada huyo LULU ya watanzania ni nguzo ya kuhaminika katika fani ya mziki.