THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

dawa ya HIV imepatikana?


Ndugu Watanzania,

Tumepata habari za kuaminika kutoka vyombo vya habari kutoka Marekani na WHO kwamba wanasayansi nchini Marekani wamegundua chembechembe za kinga ambazo zinauwezo mkubwa wa kupambana na kuua virusi vya ugonjwa wa Ukimwi ambao hadi sasa hauna chanjo wala tiba ya uhakika.

Ugunduzi huo tayari umethibitishwa na wataalamu mbalimbali, ikiwemo Mamlaka ya Chakula na Dawa ya Marekani.

Vyombo mbalimbali vya habari vya kimataifa vimeripoti kuhusu ugunduzi huo ambao unaelekea kutoa mapambazuko mapya kwa ugonjwa huo hatari ambao umekuwa ukiathiri nguvu kazi sehemu mbalimbali duniani, hususan nchi zinazoendelea.

Wanasayansi hao wa Taasisi ya Magonjwa ya Kuambukiza na Mzio (Niaida) walieleza katika taarifa yao ya wiki iliyopita kuwa kwenye utafiti huo wamebaini aina mbili za chembechembe zinazoweza kumsaidia binadamu kupambana na virusi vya ukimwi.

Mkurugenzi wa Niaida, Dk Anthony Fauci alizitaja chembechembe hizo za kinga kuwa ni VRCO1 na VRCO2 ambazo utafiti wake umeonyesha kuwa zinaweza kuua virusi vya ukimwi kwa asilimia 90.

Kwa mujibu wa Shirika la Afya Duniani (WHO) dawa huthibitishwa pale uwezo wake wa kupambana na ugonjwa unapozidi asilimia 60.

Dk Fauci alisema hayo ni mafanikio makubwa ya kisayansi tangu wataalamu mbalimbali duniani waanze kufanya utafiti wa namna ya kutibu ugonjwa huo.

Alisema chembechembe hizo za kinga hizo VRCO1 na VRCO2 zinaweza kutumika katika kubaini aina mpya ya chanjo ambayo itamuwezesha binadamu kuwa na kinga dhidi ya virusi vya Ukimwi.

Kwa namna chembechembe hizo zinavyofanya kazi, alisema, zikitumika kama chanjo, mwili wa anayechanjwa unajenga kinga ambayo inavishambulia virusi vya Ukimwi na kuviua.

“Kwa sasa soko lina dawa za kupunguza nguvu na kasi ya virusi vya Ukimwi kuathiri chembechembe nyeupe za kujikinga na maradhi na hakuna tiba,” alisema Dk Fauci.

“Lakini utafiti huu ni njia mpya ya kuelekea kupata ufumbuzi wa kudumu katika utaalamu wa tiba.”

Hata hivyo, alisema utafiti huo unaweka matumaini zaidi katika kutoa chanjo ingawa baadaye utawezesha kusaidia kupatikana kwa tiba kamili.

Jinsi walivyoendesha utafiti huo, Dk Faci alisema walichukua sampuli mbalimbali za damu zenye virusi vya ukimwi kutoka maeneo mbalimbali duniani.

Katika sampuli hizo, alisema waliweza kupata aina karibu 200 za virusi vya ukimwi na walipozipambanisha na chembechembe za kinga za VRCO1 na VRCO2, virusi vilikufa bila kuathiri chembechembe nyingine za damu.

Hali hiyo aliilezea kuwa inathibitisha kuwa VRCO1 na VRCO2 zina uwezo wa kupambana na aina zote za virusi vya ukimwi.

Haya jamani habari njema ndo hizo, Lakini isiwe sababu ya kuanza kufanya mapenzi ovyo ovyo.

Matokeo yake yatakua kukua kwa kasi kwa yale magonjwa ya zinaa ya zamani kama kswende na gonorea na mengine, mimba kibao zisizotarajiwa, na matokeo yake watotot zaidi wa mtaani, vibaka, mateja n.k Tumia Kinga.

Maisha Mema,
Katibu T.A Reading.
--
Jumuiya Ya Watanzania Reading-UK
Blog :http://www.tanzaniaassociation-reading.blogspot.com/
Email:tzra2009@gmail.com
Tel No: +447865673756

Habari zaidi


Kuna Maoni 16 mpaka sasa.

  1. Anonymous Anasema:

    UKIMWI UPO NA UNATISHA. UPATIKANAJI WA DAWA SI HOJA KWANI MALARIA INA DAWA LAKINI INAUWA WATU KULIKO UKIMWI, SO HOJA BADO IKO PALE PALE TUJIKINGE NA UKIMWI PAMOJA NA MAGONJWA MENGINE

  2. Anonymous Anasema:

    Yaani kweli katibu mzima wa umoja unatoa hii habari???Umoja huo umekubali kutoa hii habari au ni wwe mwenyewe umejiamulia kutumia power you cannot use your title uliyopewa kupitisha habari ambazo umesoma kwenye google....

    Huu ugonjwa upo na unatisha bado wewe ukikimbilia kusikia habari hizi na kupeleka hewani haraka haraka...mbona hii havbari ilitoka muda kidog USA...Na usiweke information ambazo ni za kitalamu bado FDA hawajaipitisha ndugu yangu slow down.....

  3. Anonymous Anasema:

    Nikaombe Visa mie ya Marekani nakujaaaaaaaaaaaaaaaaa.... Msanii maarufu mie Bongo hapa.

  4. Anonymous Anasema:

    Tafadhali msianze kuwapotosha watu kwani dawa hiyo mpaka ianze kutumiaka itachukua zaidi ya miaka 30 ijayo, katika kipindi hicho watu wangapi watakuwa wameambukizwa na wamekufa. Na hiyo itatibu only asilimia 95 kwa maana hiyo haitatibu asilimia mia ila itaongeza maisha ya mtu. Na mpaka ifike ulimwengu wa tatu itakuwa ni miaka 50 hadi 100. Marekani yenyewe sasa hivi hali imekuwa ni ngumu kwani kuna jumla ya wagonjwa wa HIV kama 1.6Milion lakini imeshindikana kuwapatia dawa watu wote budget ya serikali ni US$ 25M na zinahitajika zaidi ya US$125M. Tusijipe moyo tuendelee kuwa waaminifu katika ndoa, na kuacha kufanya mapenzi nje ya ndoa kwa wale walio single. Tuendelee kumwomba Mungu ili aendelee kutuepusha na tamaa na anasa za duniani kwani zinatufupishia muda wa kuishi hapa duniani.
    Mungu ibariki Tanzania na watu wake.
    Ndimi mdau wa Damu USA

  5. Anonymous Anasema:

    hizi sio habari ngeni kila baada ya muda hapa amerika wataalamu hupiga hatua moja mbele katika suala la utafutaji huu wa dawa au kinga ya maradhi haya lakini cha kuvunja moyo pia huweka wazi kuwa yote hayo mawili upatikanaji wake ikiwa hizo research zitaenda mswano basi itachukua kiasi miaka kumi kwa uhakika na upasishwaji na hili shirika la "food and drugs administration"{fda} linalosimamia utoaji vibali vya ubora wa misosi na madawa kwa ajili ya matumizi ya binadamu.
    sasa chonde chonde wazeee wa kazi kwa taarifa hizi msiache kuvaa jazi mkaanza kupiga kandanda matumbo wazi,tumieni hayo hayo majabulani japokuwa hayana dhamana mara ngoma wavuni{muhimbili}dawa au chanjo ikipatikana taarifa itakuwa wazi sisi tunaoishi hapa tunaelewa pia kuwa hii dawa hata ikiwepo itakawia kuuzwa au kunadiwa kuwa ipo kwa sababu hivi sasa mashirika yanayotengeneza dawa zinazotumika kurefusha maisha RVS wanatengeneza hela kichizi sasa kulitafutia ufumbuzi suala hili na kuanza kuuza dawa za kuponya haya maradhi ni hasara kwao na hapa hapendwi mtu pochi tu sasa kazi iko hapo.
    mdau.
    mama sebene.
    alaska,usa.

  6. Anonymous Anasema:

    DAWA HAIJAPATIKANA BADO - HII KITU HAIJAFANYIWA CLINICAL TRIALS. IT WORKS IN THE LAB TU. ACHENI KUTOA MESSAGE ZA UONGO.

  7. Anonymous Anasema:

    This is absolutely shame.... embu jaribu kufungua website ya WHO kama unaweza kupata habari yoyote inayousiana na unayoyaeleza!!! Jamani mambo mengine waachie wenye utaalamu huo wayafanye... msiingilie kazi za watu.. Nafikiri hapa ni shetani anapata nguvu kwa habari kama hii.. watu wafanya ngono zembe wakijua dawa inapatika... source ya habari yako is not a reliable scientific web source...
    Watanzania dawa ya ukwimwi bado... na hayo ni majaribio ya mwanzo hambayo bado kabisa

  8. Anonymous Anasema:

    Bwana michuzi nashangaa sana kuona watu na hata baadhi ya viongozi wanasema dawa imepatikana. Hizi habari hizi zina madhara makubwa kwa taifa letu. hata ukiwa mtaani unasikia baadhi ya vijana wanasema sasa ni kavu kavu, unategemea nini? Kama wewe ni mtaalamu wa biology na unayejua kiundani biology ya virus huwezi kusema dawa kamili imepatikana maana virus ni zaidi ya kinyonga, anabadilika badilika kiasi kwamba hata ukimpatia dawa hii leo na ukifanikiwa kudhuru kesho huenda isifanye kazi kabisa maana anajibadilisha. Naombeni tusikurupuke. Mimi ninayesema haya ni mwana biologia kwenye level ya PhD, NA NAELEWA WAZI UGUMU ULIOPO, NA HATUA ZINAZO HITAJIKA HADI DAWA KAMILI IPATIKANE. Sasa kuwa ridhisha zaidi na ninayoyasema na kuhusiana na dawa watu wamesema imepatikana basi fungua link hii hapa http://www.ilsole24ore.com/art/tecnologie/2010-07-10/svolta-vaccino-antiaids-100625.shtml?uuid=AYEdDj6B&fromSearch#continue . watanzania tupendane na tuwe makini kwa kila jambo. hasa viongozi wetu msikurupuke. tembelea website ya who hutaona ukweli kwamba dawa imepatikana. let us all be smart in analysing important issues.

  9. Anonymous Anasema:

    Ankal tafadhali epusha balaa hili. Hata kama hiyo dawa itapatikana tafadhali usitangaze manake hivi kinasemekana kuna dawa ya kuzuia hiv virus wasimsumbue muathirika watu wanaendelea na tabia za ngono kama kuna usalama je wakijua kweli kuna dawa ya kutibu si itakuwa msalie mtume. Michuzi Pleaaaaase take my comment into consideration. Usaidie taifa na families

  10. Anonymous Anasema:

    ukimwi kama Malaria! Kutokomezwa kwake hakuna tija kwa mabeberu, hivyo upatikanaji wa dawa ni ndoto! Kungekuwa na nia thabiti ya kuutokomeza, au magonjwa haya yangekuwa yanawaathiri watu wa ulaya na marekani, usingepita hata mwaka mmoja yangemalizwa!

  11. Anonymous Anasema:

    Huyu mtu aliyeleta hii habari ni muongo, kwa kifupi hajui anachoongea.VRCO1 na VRCO2 zipo kwenye experimental stage siyo dawa na wala hazijajaribiwa kwa binadamu. Mamlaka ya Chakula na Dawa ya Marekani yaijathibitisha hii dawa kwa sababu FDA wanashughulika na dawa amabazo zimeshafikia stage ya clinical trial, VRCO1 na VRCO2 hazijafika hatua hiyo. Tafadhali ndugu katibu usitoe habari juu ya mambo usiyoyafahamu unaposha watu; waachie watalaam watueleze habari sahihi.

  12. Anonymous Anasema:

    mimi nakubaliana na mdau hapo juu.kama ukimwi ungekua unauwa watu wenye ngozi nyeupe sana kama dawa ishapatikana cku nyingi .maana hii virus sio natural imetengenezwa mahaabara so ukicreeeti virus lazima ue na antidote yake antidote yake ipo wapijamani?
    hizi ni mbinu wamepanga za kutumaliza sisi watu weusi.maana tukizaa ni kumi naa wao kuzaa hawazii tena kwa sababu ya kupenda sterhe saana afu istoshe kwao kila kitu hekla lazima alipie babysitter hata mzazi wake hawezi kukaa na mjukuu eti kisa wazazi wametoka.vijana wao wadawa yamewaathiri na kuendekeza starehe hapa na pale so wazeee wao wakaaa wakamua kuturushia hili kombola langoma washindwe na walaani na vizazi vyao vyote makaburu.jihadharini jamani

    mdau kigali makazi bokxini kusaka chake

  13. Mtu makini Anasema:

    Huyu Katibu TA naona kama anashabikia sana dawa imepatikana k'sababu yeye ni mmojawapo wa kupenda kutembeza. katibu dawa ipatikane au la, tunza zip yako.mana unavyopigia debe it luks personal to me than announcing good news.wanawake wazuri hawaishi hivyo tuliza acha ushabiki. Hiyo dawa hata km imepatikana, unafikiri watapeleka Africa leo. Fikiria kuhusu wamama wanaojifungua, huku Ulaya kuna dawa za kupunguza au kuondoa uchungu wa kuzaa (epidural/gas n air), kwani hizo dawa ziko nchi ngapi Africa? mpaka leo Tanzania wanawake kibao wanakufa na kuteseka kwenye kuzaa. jiulize hilo. Hivyo pliz B4 you announce something omba ushauri kwanza au fanya research, usikurupuke tu kwa furaha zako kwamba utaendeleza kutembeza.

  14. Anonymous Anasema:

    HUNA MAKOSA MTU WANGU KUTANGAZA KWANI WAHUSIKA WAMEWEZA KUTOA TANGAZO WENYEWE NAWE UKATEGA SIKIO LAKO KUWATIA MOYO WAATHIRIKA ILA WAAMBIE YA KWAMBA KWELI WAFUNGE ZIPU ZAO NA WANADADA WABANE KOFULI ZAO WASITOE TU UFUNGUO. NA KUWASHAWISHI MABROTHER WAKASHINDWA KUVUMILIA. SINA BUDI KUWASHUKURU WOTE KWANI MAONI YETU WOTE NI MAZURI. ILA WAPENDWA UKIMWI UNATISHA NA UNAUWA SISI TULIFURAHIA KUSIKIA HIVYO KWANI HAKUNA NYUMBA AMBAYO HAIJAPIGWA NA JANGA HILI LA UKIMWI. NAWASHAURI WENZETU WATU WEUPE WAACHE KUTUANGAMIZA KWANI KWA MUNGU WATAJIBU NINI? INGEKUWA WAO TAYARI DAWA INGESHAPATIKANA KAMA MAFUA YA NGURUWE MBONA ILIPATIKANA MARA MOJA,TENA NA MAFUA YA NDEGE.HAWA WATU TUNAWAINGIZA TU NCHINI MWETU LAKINI WANATUFANYA WANYAMA KABISA. WATADAIWA DAMU YETU NA MUNGU. ILA LA ZAIDI SANA TUNAWAACHIA MUNGU KWA ALIYETENGENEZA GONJWA LA KUWAANGAMIZA WENZAO. LABDA WANATAKA KURIDHI AFRICA KWA KUWA TUNA RASILIMALI NYINGI HUSUSANI TANZANIA. ZAIDI SANA TUMSII MUNGU KWENYE MAOMBI ATENDE.MAANA SISI WENYEWE HATUWEZI.
    MANKA

  15. Anonymous Anasema:

    jamani hamna kitu kama hicho, watu tuacheni uzinifu mana hamna dawa ya ukimwi

  16. Anonymous Anasema:

    NI KWELI LAKINI ?AMA POROJO TU LAKINI MBONA OBAMA HAKUTANGAZA KAMA ALIVYOTANGAZA KIFO CHA OSAMA