Bosi wa zamani wa Benki ya Dunia Dominique Strauss-Kahn afutiwa kesi ya kubaka

Bosi wa zamani wa Benki ya Dunia  Dominique Strauss-Kahn ameachiwa huru baada ya Mahakama ya Manhattan, New York, nchini Marekani  kufuta kesi yake ya kubaka baada ya waendesha mashitaka kuomba kesi hiyo  ifutwe kile kilichodaiwa ushahidi hafifu na uwongo wa mshtaki  mfanyakazi wa hoteli Nafissatou Diallo. Waandamanaji kibao walifika mahakamani hapo kushinikiza afungwe kwa kitendo hicho, lakini ndio hivyo tena mahakama imemuachia na amekuwa huru kurudi nyumbani kwake Ufaransa ambako wachunguzi wa mambo wanasema anaweza kusimama kugombea Urais wa nchi hiyo katika uchaguzi ujao.

Mwanamke huyo wa Afrika Magharibi mwenye umri wa miaka 33 alidai Strauss-Kahn (62) alimshambulia kingono katika hoteli ya Sofitel kitongojini Manhattan mnamo Mei 14, mwaka huu. Bosi huyo wa zamani wa Benki Kuu alikamatwa ndani ya ndege ya Air France alipokuwa akijaribu kutoroka Marekani. Pichani anaonekana Strauss-Kahn na mkewe  Anne-Sinclair pamoja na wakili wake wakitoka mahakamani baada ya kuachiwa huru. Uchunguzi w DNA ulithibitisha kwamba Strauss Kahn alifanya ngono na mwanamke huyo lakini hiyo haikutosha kuthibitisha kwamba kitendo hicho kilikuwa kwa kulazimishwa au la.

Kwa habari kamili na mapicha kibao BOFYA HAPA