THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

UWANJA WA NDEGE NDULI IRINGA WAPONEA CHUPUCHUOPU KUTEKETEA KWA MOTO


Moto mkubwa ulizuka katika uwanja wa ndege wa Nduli manispaa ya Iringa leo. Moto huo inasemekana ulisababishwa na uchomaji mashamba yaliyopo jirani na uwanja huo. Kikosi cha zimamoto kilifanikiwa kuzima moto huo ambao ungeweza kuteketeza vifaa muhimu ikiwa ni pamoja na majengo. 
Akizungumza katika eneo la tukio Mkuu wa wilaya ya Iringa Mhe. Richard Kasesela (pichani na fulana nyekundu) ambaye alishirikiana na kikosi cha zimamoto kuzima moto huo alisema lazima wananchi wajue kutenga mashamba yao na  kuzuia mioto kusambaa
"Kuanzia sasa yoyote atakaye sababisha moto kutoka kwenye shamba lake atachukuliwa hatua kali za kisheria", alisema Mhe. Kasesela. 
Mkuu wa wilaya huyo piaaliagiza manispaa itengeneze kwa kutumia bullodozer barabara ya kuzuia moto kuzunguka uwanja. Moto huo ulianza majira ya saa 7 mchana na kusambaa hadi kwenye uwanja wa kuondokea ndege (Runway) na  kusogelea eneo la kuhifadhia mafuta ya ndege na vifaa vya kuongozea ndege. Ulidhibitiwa na Jeshi la Zimamoto vizuri na hadi kufikia saa 9.43 moto ulikuwa umezimwa.


Kuna Maoni 2 mpaka sasa.

  1. Anonymous Anasema:

    Dah Kasesela.......we acha tu

  2. Anonymous Anasema:

    Mtu wa kujituma huyu. Born leader. Huyu ni kiongozi sio Boss.