THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

Kilele cha Tamasha la Ngoma za Jadi kufanyika Tukuyu Oktoba 7 na 8


Tamasha kubwa la ngoma za jadi la Tulia litakalojumuisha zaidi ya vikundi vya ngoma 84 kutoka wilaya za Rungwe, Busokelo na Kyela linatarajiwa kufanyika tarehe 7 hadi 8 ya mwezi huu wa kumi katika viwanja vya Tandale wilayani Tukuyu.

Tamasha hilo ambalo linafanyika kwa mara ya kwanza, litajumuisha zaidi ya ngoma za aina tisa huku baadhi ya ngoma zitakazoshiriki ni pamoja na Ipenenga, Ingo’ma na Maghosi.

Akizungumzia tamasha hilo, Naibu Spika wa Bunge na mwanzilishi wa tamasha hilo, Dkt. Tulia Ackson amesema lengo la tamasha hilo ni kukuza na kuendeleza tamaduni hasa za ngoma za asili.

‘Ngoma za asili zina sehemu kubwa katika utamaduni wetu, na ndio maana ni muhimu sana kama taifa tutakajikita katika kuhakikisha zinatambulika na pia zinaendelezwa’ alisema Dkt.Tulia.

Akielezea zaidi kuhusu ngoma hizo Dkt Tulia alisema lengo la tamasha la ngoma za jadi ni kuzifanya ngoma hizo zijulikane, na pia kuzipa umuhimu katika jamii na hivyo kuzifanya zisipotee.

‘Tamasha pia litatoa fursa ya kiuchumi kwa vijana watakaoshiriki tamasha hilo kwa wao kuanza kuzitazama ngoma kama chanzo cha kujipatia kipato’ alisema Dkt. Tulia.

Mashindano hayo yaliyoanza katika ngazi ya kijiji, kata, halmashauri na kanda, huku jumla ya vijiji 393 vikichuana kupata fursa ya kushiriki katika kilele cha matamasha hayo, yatahudhuriwa wageni mbalimbali kama mabalozi kutoka nchi mbalimbali pamoja na wakurugenzi na wawakilishi kutoka makampuni mbalimbali.

Mshindi wa kwanza wa mashindano hayo atarekodiwa albamu ya nyimbo zake kwenye DVD, pamoja na ufadhili wa kusomeshwa katika chuo cha Sanaa cha Bagamoyo.

Mshindi wa pili atapata mashine ya kusaga na watatu atapata zawadi ya bodaboda.