THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

RC Zelote awavutia wawekezaji kutoka uholanzi kuwekeza Rukwa

Mratibu wa Ubia wa Kituo cha Kuendeleza Kilimo Nyanda za Juu Kusini (SAGCOT) Bi.Tullah Mloge akifafanua jambo wakati wa ziara ya kutembelea wakulima walionufaika miradi mbalimbali inayoratibiwa na SAGCOT hivi karibuni Mkoani Njombe. Kushoto ni Mkuu wa Mkoa wa Rukwa, Kamishna Mwandamizi Msaidizi Mstaafu wa polisi, Bw. Zelote Stephen. Ziara hiyo ilihudhuriwa na wadau mbalimbali kilimo na ufugaji kutoka Tanzania na Uholanzi.
Mkuu wa Mkoa wa Rukwa, Bw.Zelote Stephen ambaye pia ni Kamishna Mwandamizi Msaidizi wa Polisi Mstaafu (SAPC) ( katikati) akiwa katika picha ya pamoja na wadau wa kilimo na ufugaji kutoka Uholanzi mara baada ya kumaliza mazungumzo na ujumbe huo ulioonesha nia ya kuwekeza katika Mkoa wake. Kushoto ni Mratibu wa Ubia wa Kituo cha Kuendeleza Kilimo Nyanda za Juu Kusini (SAGCOT) Bi.Tullah Mloge na wapili kushoto ni miongoni wa wajumbe hao Bi.Carmen Breeveld. Pamoja na wadau wengine wa kilimo hivi karibuni.

MKUU wa Mkoa wa Rukwa Zelote Stephen amewavutia wawekezaji kutoka Uholanzi kwenda kuwekeza mkoani humo katika sekta za kilimo na ufugaji, akisema Rukwa ina fursa nyingi za uwekezaji.

Stephen ambaye pia ni Kamishna Mwaandamizi mstaafu wa Police (SACP), amewaambia wawekezaji katika sekta za kilimo na ufugaji kutoka Uholanzi kuwa mkoa wake una fursa nyingi za kilimo na ufugaji lakini hakuna wawekezaji wa uhakika waliothubutu kuendeleza fursa hizo.

Alisema uwekezaji zaidi katika sekta za kilimo na ufugaji, zitasaidia sana jitihada za mkoa wake za kwasaidia wakulima wadogo kuondokana na umasikini.

Wafugaji hao kutoka Uholanzi walishiriki Kongamano la Wabia na Wadau wa maendeleo ya Kilimo Kusini ya Nyanda za Juu Kusini (SAGCOT Forum Partnership 2017) hivi karibuni na pia kwenye safari ya kujifunza (Learning Journey).

 “Nimeona zipo fursa nyingi tunaweza kuzipata kwa kushirikiana na wadau wa kilimo ndani na nje ya nchi ili kuongeza thamani ya mazao. Nitoe wito kwa wananchi wa Rukwa kuwa fursa inayokuja mkoani kwetu ni vema wajipange na kujiunga kwenye vikundi ili iwe rahisi kuwafikia, kuwahudumia na kunufaika kupitia kilimo na ufugaji,” alisema Bw. Stephen.

Akizungumza katika mkutano na waandishi wa wahabari, Bibi Carmen Breeveld, mfugaji kutoka Uholanzi ambaye aliongozana na wanawake wengine wawili katika ziara hiyo ya mafunzo mkoani Njombe ambapo waliona namna ufugaji wa ng’ombe wa maziwa na nguruwe unavyofanyika nchini.

“Tunataka kumuunganisha Mkuu wa Mkoa (Rukwa) na Serikali ya Uholanzi na sekta binafsi ili kuondoa matatizo yanayowakabili wafugaji mkoani kwake, itakua nafasi nyingine ya kuendelea kutembelea Tanzania zaidi na zaidi kuangalia mambo mengi ambayo hatukuyajua,” Bi. Breeveld alisema.

Naye Bibi Tullah Mloge ambaye ni Mratibu wa Ubia wa Kituo cha SAGCOT, amemhakikishia Mkuu wa Mkoa wa Rukwa dhamira yake ya kusaidia vikundi vya kinamama wakulima na kuina vinanufaika na shughuli wanazofanya katika mnyororo wa thamani wa mazao.