THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

MIAKA MITATU YA EFM REDIO YENYE MAFANIKIO ZAIDI

Efm redio 93.7 kituo bora Tanzania, kinachokua kwa kasi kwa matangazo pamoja na ubunifu kimetimiza miaka mitatu sasa tangu kuanzishwa kwake. Redio hii imekua ikitangaza habari mbalimbali za kijamii, kiuchumi, pamoja na michezo kwa lengo la kuhabarisha, kuelimisha na kuburudisha wasikilizaji wake.
Efm imejitwalia tuzo ya ubunifu ya Tanzania leadership Award kwa miaka miwili mfululizo, kwa kubuni matukio mbalimbali ambayo yamekuwa yakiiwezesha jamii kujikwamua kimaisha kwa kugawa pikipiki, magari ya biashara (shikandinga), fedha taslimu, maakuli (kapuu ya sikukuu) pamoja na mafuta kwa madereva wa vyombo vya usafiri pamoja na kuwawezesha wajasiriamali wanawake.
Pia imeanzisha kampeni mbalimbali za kutia hamasa katika jamii ikiwemo (kampeni ya Mti wangu) yenye lengo la kumhamasisha kila mtu kupanda mti, na kufanya mazoezi mtaani pamoja wanafunzi wa vyuo kupitia kikundi cha Efm jogging club.
Redio hii imejipatia umaarufu sana kwa kuukuza muziki wa singeli ambao awali ulidharauliwa na kukosa hadhi, Licha ya kuukuza redio hii imeusafisha kwa kuwaelimisha wasanii wa muziki huo kwa kuwapa semina mbalimbali ikishirikiana na taasisi mbalimbali kama BASATA, COSOTA, TCRA, na TRA hadi sasa muziki huu unachezwa na kutambulika na redio nyingine ndani na nje ya Tanzania.

Aidha katika kuendeleza mafanikio yake, Redio hii imeongeza masafa yake katika mikoa Tisa ya Tanzania bara ambayo ni Mwanza, Mbeya, Mtwara, Singida, Tanga, Tabora, Manyara (Babati), Kilimanjaro (Moshi), na Kigoma pamoja na kuanzisha rasmi kituo dada cha Televisheni kinachofahamika kama TV-E ambayo kwa sasa inafanya vizuri.