THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

MEYA WA JIJI LA DAR ES SALAAM AFUNGUA UZINDUZI WA MCHEZO WA DRAFTI KATIKA VIWANJA VYA MWEMBEYANGA


NA CHRISTINA MWAGALA, OFISI YA MEYA WA JIJI

MSTAHIKI Meya wa jiji la Dar es salaam Isaya Mwita amewaomba wadau wamichezo nchini kujitokeza kudhamini mashindano hayo kwakuwa ni michezo kama ilivyo michezo mingine.

Meya Mwita aliyasema hayo jiji hapa leo katika uzindua wa mashindano ya mchezo wa Drafti yaliyofanyika katika viwanja vya mwembe yanga, halmashauri ya Temeke.

Mashindano hayo ambayo yamedhaminiwa na Meya wa jiji Mwita , yalihudhuriwa pia na Mbunge wa jimbo la Temeke Abdala Mtolea , Mwenyekiti wa Chama cha Mchezo wa Drafti ambapo jumla ya washiriki 64 walishiriki.

Meya Mwita alisema kuwa mchezo huo ni mzuri lakini umekuwa ukizaraulika na kuonekana kwamba wanaoshiriki mchezo huo niwatu ambao hawana kazi za kufanya.

Alisema wapo wadau wengi ambao wanatoa vipaumbele kwenye michezo ya mpira wa miguu, mpira wa pete na michezo mingine huku wakiusahau mchezo huo , jambo ambalo linaonyesha kuwatenga makundi ambayo wamejikita kwenye mchezo huo.

Alisema “ Niwaeleze tu kwamba, huu mchezo ni mchezo mzuri kama ilivyo michezo mingine, leo hii wanaocheza mchezo huu wanazaraulika na kuonekana kwamba niwatu ambao hawana kazi, wasiojua kujishugulisha, jambo ambalo sio kweli natamani mchezo huu ufahamika kama michezo mingine.

“ Kama kweli tukiunga mkono mchezo huu, ipo siku tutajenga majina yetu kupitia mchezo huu kama ilivyokuwa kwenye mpira wa miguu, mpira wa pete, na hata mataifa ya nje yakatuunga mkono kupitia huu mchezo” aliongeza.

Aidha Meya Mwita katika hatua nyingine alisema kwamba ataunga mkono chama cha mchezo huo ili waweze kukisajili na kutambulika rasmi.

Aliongeza kuwa katika mashindano mengine , baada ya kusajiliwa kwa chama hicho, yatakutanisha kila halmashauri iliyopo jijini hapa na hivyo kupata mshindi kutoka kwenye halmshauri husika.

“ Jiji lina halmashauri tano, nataka kwenye mashindano mengine ambayo tayari chama hiki kitakuwa kimesajiliwa , kila halmashauri itashiriki, na mshindi atapatikana kutoka kwenye halmashauri nasio mmoja mmoja kama ambavyo tumefanya leo, ila huu ni mwanzo.

Hata hivyo Meya Mwita ameahidi katika mashindano yajayo kugharimia nauri na chakula kwa wachezaji watakao shiriki mashindano hayo na kuwa himzi wachezaji hao kuuthamini mchezo huo.

Awali akisoma risala mbele ya mgeni rasmi ambaye ni Meya wa jiji , Mwenyeiti wa Chama cha mchezo wa huo mkoa wa Dar es salaam , Kiraba Ngibombi amesema chama kinakabiliwa na changamo nyingi ikiwemo ukosefu wa ofisi na fedha za kuhudumia na kufanya usajili wa chama hicho.

Mwenyekiti huyo amemuomba Mstahiki Meya katika mashindano yajayo kuwagharimia wachezaji chakula na pamoja na nauri kwa ajili ya wachezaji hao.
Mbunge wa Jimbo la Temeke Abdala Mtolea akicheza mchezo wa Drafti na Mstahiki Meya wa Jiji la Dar es Salaam Isaya Mwita