THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

ZANZIBAR WATAHADHARISHWA NA KIPINDUPINDU WAKATI WA KUSHEREHEKEA EID EL-FITRI


Na Ramadhani Ali – Maelezo Zanzibar           
Wananchi Zanzibar wameshauriwa kuchukua tahadhari kubwa zaidi wakati wa sherehe za Edd el Fitri katika kujikinga na maradhi ya kipindupindu ili kuhakikisha maradhi hayo hayaongezeki na kuleta athari zaidi.
Akizungumza na waandishi wa habari katika Ukumbi wa Wizara ya Afya Mnazi Mmoja, Mkurugenzi Kinga na Elimu ya Afya Dkt. Fadhil Mohamed Abdallah ametaka tahadhari zaidi iwe ni kuwadhibiti watoto ili kuhakikisha hawali ovyo hasa katika kumbi na viwanja vya Sikukuu.
Aliwanasihi wananchi wasiwe tayari kukigeuza kipindi cha sikukuu kuwa cha madhara kwao na kuwashauri wafanyabiashara kuwa wazalendo kwa wananchi wenzao kwa kuacha kufanya biashara za vyakula vilivyopikwa na juisi katika sehemu zisizoruhusiwa.
Alisema Wizara ya Afya imetoa mwongozo kuhusu biashara za vyakula vinavyoruhusiwa kuuzwa katika viwanja vya sikukuu ambazo ni bidhaa zilizotengenezwa viwandani.
Aidha alitaka familia ambazo zitapenda kuandaa chakula na kula nje ya nyumba zao katika sehemu za wazi kuhakikisha wanafuata masharti yote ya  afya ikiwemo kunawa mikono kwa sabuni kabla ya kuanza kula.
Akizungumzia hali halisi ya kipindupindu Zanzibar tokea kilipoanza wiki tatu zilizopita, Dkt Fadhil alisema wagonjwa 303 wamelazwa katika kambi ya Chimbuni na Gamba iliyopo Wilaya Kaskazini A ambapo wanne kati yao wamefariki.
Alisema hivi sasa kambi ya Chumbuni imebakiwa na wagonjwa nane wa kipindupindu na kambi ya Gamba haina mgonjwa hata mmoja kuanzia tarehe 8 mwezi huu.
Alitaja sababu kubwa ya vifo hivyo vya watu wanne vilitokana na upungufu mkubwa wa maji mwilini na chanzo chake ni kucheleweshwa kupelekwa katika kituo cha afya.
 Dkt. Fadhil alikiri kuwa hali bado haijawa ya kutisha hadi hivi sasa lakini kumejitokeza ongezeko la wagonjwa wa kipindupindu katika vijiji vya Bambi na Mpapa Wilaya ya Kati na wanafikiria kufungua kambi wakati wowote katika maeneo hayo iwapo hali  itaendelea kuwa hivyo.
Aliwasisitiza wananchi kuendelea kufuata masharti ya afya katika kupambana na Kipindupindu ikiwa ni pamoja na kuyatibu maji ama kuyachemsha kabla ya kunywa na kuhakikisha wanatumia vyoo na kukosha vizuri mboga za majani na matunda kabla ya kula.