THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

MAKAMU WA RAIS SAMIA SULUHU HASSAN AZITAKA TAASISI ZA MAENDELEO YA FEDHA NA JUMUIYA YA MAENDELEO KUSINI MWA AFRIKA (SADC),KUIMARISHA USHIRIKIANO


Makamu wa Rais wa Jamhuri ya Muungano wa Tanzania Mhe Samia Suluhu Hassan amezitaka Taasisi za Maendeleo ya Fedha za Jumuiya ya Maendeleo Kusini mwa Afrika (SADC) kuimarisha ushirikiano na kubadilisha uzoefu katika utendaji wao wa kazi ili kuhakikisha kazi zinazofanywa na Taasisi hizo zinakuwa na manufaa kwa wananchi wa Jumuiya hiyo.

Makamu wa Rais wa Jamhuri ya Muungano wa Tanzania Mhe Samia Suluhu Hassan ametoa kauli hiyo wakati anafungua Mkutano wa mwaka wa Taasisi za Maendeleo ya Fedha za Jumuiya ya Maendeleo Kusini mwa Afrika (SADC) kwenye ukumbi wa Kimataifa wa Julius Nyerere Jijini Dar es Salaam.

Makamu wa Rais Mhe Samia Suluhu Hassan amesema kuwa kama taasisi hizo za kifedha zitafanya kazi kwa kuzingatia ubunifu na uaminifu ana uhakika kuwa malengo waliyojiwekeza yatafikiwa kwa wakati hasa katika uwekezaji katika miradi mbalimbali ya maendeleo.

Ameeleza kuwa bado upo umuhimu mkubwa kwa Taasisi hizo za Kifedha katika nchi za SADC kuendelea kutumia ipasavyo wataalamu wa vyuo vikuu na taasisi za utafiti kwa lengo la kukuza uchumi unaotokana na ujuzi kupitia ubunifu.

Makamu wa Rais pia amehimiza nchi wanachama wa SADC kupitia taasisi za kifedha za nchi hizo kushirikiana katika kuchangia fedha katika utekelezaji wa miradi mikubwa ya maendeleo katika nchi wanachama wa jumuiya hiyo.

Kwa upande wake, Naibu Waziri wa Fedha na Mipango Dkt Ashatu Kijaji amesema anaimani kubwa kuwa mkutano utasaidia kwa kiasi kikubwa uimarishaji wa utendaji wa kazi katika Taasisi hizo za Maendeleo ya Fedha katika nchi za SADC.
 Makamu wa Rais wa Jamhuri ya Muungano wa Tanzania Mhe Samia Suluhu Hassan akiteta jambo na Naibu Waziri wa Fedha na Mipango Dkt Ashatu Kijaji.