THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

NSSF YAZINDUA MIKOPO KWA WANACHAMA WAKE KUPITIA BENKI YA AZANIA

Shirika la Taifa la Hifadhi ya Jamii (NSSF) lazindua utoaji wa mikopo kwa SACCOS na kupitia Benki ya Azania. Mikopo hii ni mahususi kwa ajili ya kuwasaidia wanachama wa NSSF kuweza kujikwamua kiuchumi hususan kuweza kutekeleza sera ya Viwanda ya awamu ya tano kwa kutumia mikopo hiyo kufungua Viwanda vidogo vidogo.

Mikopo hiyo itatolewa hadi kiwango cha juu kisichozidi fedha taslimu za kitanzania 300,000,000 kwa SACCOS au AMCOS. Vile vile mwanachama wa NSSF anaweza kukopa hadi shilingi 20,000,000 kupitia SACCOS au AMCOS aliyojiunga nayo na mikopo hiyo italipwa ndani ya miezi 24.

Alipokuwa akizindua mpango huo, Makamu wa Rais Mhe. Mama Samia Suluhu Hassan aliwaasa wanachama wa NSSF kuchangamkia fursa hiyo ya mikopo na kuwaomba waitumie mikopo hiyo kama chachu ya kujikwamua kiuchumi na kuwaasa kuwa na nidhamu ya hali ya juu katika kuendeleza biashara zao.

Akizungumza na waandishi wa Habari wakati wa uzinduzi wa mpango huo Mkurugenzi Mkuu wa NSSF Prof Godius Kahyarara alisema SACCOS na AMCOS zote zitakaoomba mikopo hiyo ni lazima ziwasilishe taarifa sahihi za fedha zilizokaguliwa kwa miaka mitatu na kuhakikiwa na COASCO na mwanachama anaruhusiwa kukopa hadi mara tatu ya Amana zake alizijiwekea ndani ya SACCOS au AMCOS ambayo yeye ni mwanachama.
Makamu wa Rais wa Jammhuri ya muungano wa Tanzania Mhe. Mama Samia Suluhu Hassan akikata utepe kuashiria uzinduzi rasmi wa Mikopo ya Shirika la Taifa la Hifadhi ya Jamii (NSSF) Kupitia Benki ya Azania alipotembelea banda la NSSF katika maonesho ya Sabasaba katika viwanja vya Mwalimu Nyerere.
Makamu wa Rais wa Jamhuri ya Muungano wa Tanzania Mhe. Mama Samia Suluhu Hassan akipata maelezo kuhusu dawa ya kuangamiza viuadudu vinavyosababisha ugonjwa wa malaria alipotembelea banda la Shirika la Taifa la Hifadhi ya Jamii (NSSF) katika maonesho ya Sabasaba, viwanja vya Mwalimu Nyerere. NSSF ni mdau wa kiwanda hicho cha Viuadudu kilichopo mkoani Pwani.
Mkurugenzi mkuu wa Shirika la Taifa la Hifadhi ya Jamii (NSSF), Prof. Godius Kahyarara akitoa ufafanuzi kuhusu mikopo ya NSSF kwa Makamu wa Rais wa Jamhuri wa Muungano wa Tanzania Mhe Mama Samia Suluhu Hassan kabla ya  kuzindua rasmi mikopo hiyo katika viwanja vya Sabasaba.