THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

Ulanga wapongezwa kwa kuibua na kuhamasisha miradi yenye manufaa kwa wananchi.

Na Sekela Mwasubila. Afisa habari Ulanga
Katibu Tawala Msaidizi Bw. Noel Kazimoto ametoa pongezi hizo wakati wa ziara yake ya ukaguzi na uhamasishaji na ufuatiliaji wa miradi ya maendeleo ndani ya wilaya akiwa na viongozi kutoka ofisi ya Rais TAMISEMI. 
 Bw. Kazimoto aliwapongeza viongozi wa kijiji hicho na watu wote waliochangia ujenzi huo hadi hatua hiyo na kuwakumbusha kusoma mapato na matumizi ya ujenzi huo na kuwashauri kuendelea kubuni miradi yenye manufaa kwa wananchi. 
 Hata hivyo Bw. Kazimoto aliwataka wakuu wa Idara kusimamia miradi yote ndani ya wilaya na kufanya ufuatiliaji katika ngazi za chini ili kuhakikisha wananchi wanapata huduma stahiki na kwa wakati. 
 Akitoa taarifa ya ujenzi wa ofisi ya kijiji cha Safari Road Afisa Mtendaji wa Kijiji Bi. Sophia Haule amesema kuwa ujenzi huo uliibuliwa na wananchi na viongozi kutokana na kukosekana kwa ofisi ya kijiji na kuwalazimu kupanga ofisi ambayo ni finyu na gharama. 
Aliongeza kuwa ujenzi umefanikiwa kutokana na msaada wa nguvu za wananchi, fedha za Halmashauri na fedha za mfuko wa jimbo ambapo hatua iliyofikia ni umaliziaji na uwekaji wa samani. 
 Ziara ya ufuatiliaji wa miradi imefanyika wilayani Ulanga na mkoa kwa ujumla ikihusisha viongozi kutoka ofisi ya Rais TAMISEMI na ofisi ya Katibu Tawala Mkoa ambapo kwa wilaya ya Ulanga walitembelea miradi ya ujenzi wa vyoo shule ya Msingi Mahenge Mjini, ujenzi wa soko la Kijiji cha Mahenge, maabara shule ya sekondari Mahenge na ujenzi wa Ofisi ya Kijiji cha Safari Road.

Bibi Beatrice Msomisi kutoka ofisi ya Rais TAMISEMI akikagua jengo la ofisi ya Kijiji cha Safari Road iliyopo katika kata ya Mahenge Mjini alipofanya ziara ya ukaguzi wa miradi wilayani hivi karibuni.
Wakuu wa Idara wa Halmashauri Ya wilaya ya Ulanga wakiwasikiliza kwa umakini watumishi kutoka Ofisi ya Katibu Tawala Morogoro na Ofisi ya Rais TAMISEMI