THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

WATUMISHI WAWILI WA HOSPITALI YA KITETE MKOANI TABORA WAKAMATWA NA DAWA NA VIFAA TIBA WALIVYOKUWA WAMEFICHA KATIKA MIKOBA YAO

Na Tiganya Vincent-RS-TABORA

Katibu Tawala Mkoa wa Tabora Dkt. Thea Ntara amemtaka Mganga Mfawidhi wa Hospitali ya Rufaa ya Kitete kuwakama mara moja na kuwafikisha Polisi watumishi wawili wa Hospitali hiyo wanaotuhumiwa kukutwa na dawa na vifaa tiba katika mikoba yao.

Dkt. Ntara alitoa kauli hiyo jana(leo) mjini Tabora baada ya watumishi hao kukamatwa na vifaa hivyo katika mikoba yao kinyume na utaratibu wa hospitali na ambazo dawa hizo na vifaa wanatuhumiwa walikuwa wakitaka kwenda kuziuza katika hospitali binafsi.

Alisema kuwa baada ya kukamatwa na kupekuliwa katika mikoba yao ndipo walikuwa na dawa na vifaa tiba ambavyo havitakiwa kutoka nje ya hospitali na havikuwa na maelekezo ya Mganga.Kufuatia kazi hiyo ilifanywa na walinzi hao Katibu Tawala huyo wa Mkoa aliwapongeza na kuwaagiza kuongeza kupekua watu wote wanaokwenda kuona wagonjwa kwa sababu yawezekana watumishi wengine ambao sio waadilifu wakatumia nafasi hiyo kutorosha dawa na vifaa tiba.

Alimwagiza Mganga Mfawaidhi wa Hospitali hiyo kuhakikisha watuhumiwa hao wanakamatwa mara moja na kufikishwa Polisi wakati hatua nyingine za kiutumishi zinaendelea.Watumishi waliokamatwa kwa tuhuma za kukutwa na dawa na vifaa tiba katika mikoba yao ni Petronila Mbipa Bundala ambaye ni Mhudumu na Monica Alexanda Rugeinamu ambaye ni Muuguzi.

Aidha ameagiza watumishi hao waandikiwe mara moja barua za kusimamishwa kazi kutokana na tuhuma za kukutwa na mali ya mwajiri wao kinyume na sheria.Vifaa na dawa vilivyokamatwa ni Cannula, Surgical gloves, Syringesa, Urinal bag, IV giving set, Blood giving set,Brainded silk number, water injection, powder, soap, examination grolve, gentamyacin injection ampule, ascorbic acid.

Hivi karibuni Hospitali hiyo imekumbana na wizi wa mara kwa mara hatua iliyopelekea Ofisi ya Mkuu wa Mkoa wa Tabora kusimamisha Kampuni iliyokuwa imepewa jukumu la kulinda na kulazimika kuweka Kampuni nyingine wakati taratibu za kuichukulia hatua Kampuni ya awali zikiendelea.

Kuanza kwa Kampuni mpya tayari watuhumiwa hao wamekamatwa na ulinzi umeimarishwa.