THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

VYUO VIKUU VYATAKIWA KUJIKITA KATIKA SERA YA UCHUMI WA VIWANDA


Na Karama Kenyunko, Blogu ya jamii
Vyuo Vikuu nchini vimetakiwa kuhakikisha vinafundisha kozi zitakazozalisha wataalamu wengi  watakaoendana na Sera ya Serikali ya awamu ya tano ya uchumi wa viwanda.

Rai hiyo imetolewa leo  na Mkuu wa Chuo kinachotoa mafunzo ya Tehama cha Power Computer LTD (PCTL), Avelin Malamsha, wakati akizungumza na waandishi wa habari juu ya kozi mpya wanaotarajia kuitoa yenye lengo la kuwajenga vijana kiajiliwa katika hadhi ya kimataifa na viwanda.

Amesema, wadau wa sekta ya elimu wanapaswa kujitafakari kwa kuanzisha kozi zitakazozalisha wataalamu katika sekta ya viwanda na uwekezaji nchini kwani elimu ni jambo kubwa kwa sasa na linashika kasi nchini ambayo tunategemea itazalisha wasomi wengi watakaokuja kusaidia nchi.

Malamsha ameongeza kuwa, ili kuendana na Sera hiyo ya Tanzania ya viwanda na upatikanaji wa ajira chuo hicho cha PCTL kimeanzisha kozi mpya ya kimataifa ya Tehama (ICDL) itakayowajengea uwezo vijana kidigitali na kuajiria sehemu yoyote duniani.

Amesema, Tanzania ya viwanda na ajira itakuwepo pale ambapo kila mmoja akielewa mchango wake katika hili, pia itakuwepo kama tutakuwa na rasilimali watu wa kutosha na sahihi, “PCTL kama chuo tukaona kwamba tuna wajibu kuijenga Tanzania ya hiyo viwanda na kupunguza tatizo la ajira kupitia kozi yetu mpya ya ICDL," alisema.

Naye Mkurugenzi Mkazi wa Shirika la Kimataifa linalotoa Cheti cha kozi hiyo ya ICDL, Edwin Masanta alisema baada ya kuona mapungufu yaliyopo nchini wameona ni vema kuileta kozi hiyo.

"ICDL inaongeza nafasi ya ajira kwa vijana kwani inatoa wataalamu wengi katika masuala ya komputa kwenye vigezo vya kuajiliwa popote duniani," alisema.
Mkuu wa Chuo cha mafunzo cha PCTL, Avelin Malamsha akizungumza na waandishi wa habari jijini Dar es Salaam jana kuhusu program za kompyuta zinavyoweza kusaidia Tanzania kuimarika na kukua katika viwanda na kuongeza ajira kwa vijana. Kulia ni mkuu wa Itifaki kwa wanafunzi, Daniel Ngumbuke na Mkurugenzi wa PCTL nchini, Edwin Masanta.