Maandalizi ya Mkutano wa Mawaziri SADC Yakamilika

Picha ya Pamoja ya wajumbe wa Kamati ya Maandalizi ya Mkutano wa Mawaziri Mazingira,Maliasiki na Utalii wa nchi wananchama wa SADC unaotarajiwa kuanza kesho Jijini Arusha.

wajumbe wa Kamati ya Maandalizi ya Mkutano wa Mawaziri Mazingira,Maliasiki na Utalii wa nchi wananchama wa SADC wakikagua eneo la Kituo cha Kimataifa Mikutano cha AICC ambapo mkutano huo utafanyika kuanzia kesho 21-25 oktoba 2019

Na.Vero Ignatus,Arusha.

Maandalizi ya Mkutano wa Mawaziri wa Mazingira ,Maliasili na Utalii wa nchi mwanachama wa SADC unaotajia kuanza kesho jijini Arusha  yamekamilika na tayari kutoka mataifa mbalimbali wameanza kuwasili jijini Arusha kwa ajili ya kuanza mkutano huo kesho.

Peofesa Adolf Mkenda ni Mwenyekiti wa Kamati ya Maandalizi ambaye ni Katibu Mkuu wa Wizara  ya Maliadili na Utalii amesema maandalizi tayari yamekamilika kuanzia eneo ambalo mkutano huo utafanyikia usafiri,chakula pamoja na fursa ya kutembelea hifadhi mbalimbali za taifa itakayokuwepo katika kipindi chote cha mkutano.

Profesa Mkenda amesema kuwa siku ya kesho makatibu wakuu wa Wizara husika watakutana na kuandaa agenda za mkutano huo ambao mpaka sasa maandalizi yamekamilika.

 Dr,Omar Ali Amir  ni Naibu Katibu Mkuu ,Wizara ya Kilimo,Maliasili ,Mifugo na Uvuvi Zanzibar ameeleza kuridhishwa na maandalizi yaliyofanyika mpaka sasa na Tanzania na chi za SADC zitaweka mikakati ya kushirikiana katika kupambana na uvuvi haramu baharini na kusimamia sambamba rasilimali za uvuvi.

Mhandisi Joseph Malongo  ni Katibu Mkuu Ofisi ya Makamu wa Raisi ,Muungano na Mazingira ,amesema  katika mkutano huo kuna mambo makubwa ambayo watahimiza ikiwemo  nchi ambazo haziridhia kuanzishwa kwa itifaki ya SADC ziweze kuridhia ikiwa ni pamoja na kupitia na kutathmini mpango mkakati wa kukabiliana na mabadiliko ya tabia ya nchi wan chi za SADC.

Kwa upande wake  Katibu Mkuu wa Uvuvi kutoka Wizara ya Mifugo na Uvuvi Rashid Tamatama amesema kuwa miongoni mwa mambo muhimu watakayoyaangazia ni pamoja na  itifaki ya Sadc inayolenga kuinua maisha ya watu kupitia sekta ya uvuvi ambayo eneo la kimkakati linalochangia katika usalama wa chakula na kukuza uchumi.