TAKUKURU YAZIKABA KOO AICC NA AUWASA SACCOS

 

Na Woinde Shizza , Michuzi Tv-ARUSHA

TAASISI ya Kuzuia na Kupambana na Rushwa Mkoa wa Arusha(TAKUKURU)

inachunguza kiasi cha sh,Milioni,933,866,399.68 zilizokopwa na SACCOS

za mashirika makubwa  ya umma  Mkoa wa Arusha AICC  SACCOS na AUWSA

SACOOS kutoka mfuko wa hifadhi ya jamii PSSF na kushindwa kurejesha

kwa wakati.

Akizungumza  na waandishi wa hàbari wakati akitoa taarifa ya miezi mitatu

ya utendaji kazi ofisini kwake , Mkuu wa Takukuru Mkoa wa Arusha,

James Ruge alifafanua kwamba katika kiasi hicho SACCOS ya kituo cha

kimataifa cha mikutano AICC Saccos  ilikopa kiasi cha sh,milioni

435,754,794.46 na kushindwa kulipa kwa wakati

Aidha Saccos ya Mamlaka ya maji Safi na usafi wa mazingira Mkoa wa

Arusha AUWSA ilikopa kiasi Cha sh, milioni 498,111,609.47 na kushindwa

kurejesha kwa wakati kwa mujibu wa makubaliano na hivyo takukuru

umeanza uchunguzi was kuzirejesha kwa mujibu wa Sheria.

Aliongeza kuwa taasisi hiyo pia ipo katika hatua ya kurejesha kiasi

cha shilingi milioni 414,901,264 zilizotokana na mkopo  wa Matrekta

uliotolewa na Mfuko wa Pembejeo wa wizara ya Kilimo kwa wakulima kumi

wa halmashauri ya Meru,Arusha na Monduli Kati ya mwaka 2013 hadi 2016.

Alisema fedha hizo zilitolewa na shirika la maendeleo la Taifa NDC kwa

lengo la kuwasaidia wakulima kuondokana na umasikini wa kutumia jembe

la mkono .

Amewataka wakulima wote wa mkoa wa Arusha waliopata mkopo wa matrekta kupuuza upotoshaji unaoenezwa kwamba mkopo wa serikali kuwa

hairejeshwi.

Katika hatua nyingine Ruge amesema kwamba katika kipindi cha miezi

mitatu ya Oktoba,Novemba na Disemba TAKUKURU Mkoani humo imefanikiwa kurejesha fedha na mali zenye thamani ya sh,milioni 578,580,334..

Alisema kati ya fedha hizo sh,milioni 365,580,334 ni fedha taslimu.

Alisema fedha hizo ni Kodi ya serikali, madeni ya vyama vya ushirika

na Madi binafsi ya wananchi wanyonge yaliyokuwa kwenye hatari ya

kupotea kutokana na ubadhilifu ,dhuluma na utapeli.