Njombe:Wananchi Kisajanilo kushirikiana na uhamiaji kudhibiti wahamiaji haramu

Na Amiri Kilagalila,Njombe

Wakazi wa kitongoji cha Kisajanilo wamesema wako tayari kishirikiana na vyombo vya ulinzi na usalama hususani idara ya uhamiaji kudhibiti wahamiaji haramu wanaotumia njia ya Kijiji hicho kwenda nchi jirani ya Malawi

Wamesema hayo katika mkutano wa hadhara uliyoitishwa na idara ya uhamiaji mkoa wa Njombe ukiwa na lengo la kushukuru kazi kubwa iliyofanywa na wanakijiji ya kukamata wahamiaji haramu 18 na mtanzania mmoja aliyekuwa amehusika kuwavusha

Katika mkutano huo kamanda wa uhamiaji mkoa wa Njombe kamishina mwandamizi msaidizi John Yindi amesema jukumu la kulinda nchi si la vyombo vya dola pekee bali ni pamoja na wananchi hivyo kitendo kilichofanywa na watu hao ni cha kuigwa.